[年齡無界限] 就係咁，我最近出席好多喪禮: ８５　我與小段的回答

面對住珍妮呢一個問題，我同小段都無言以對，亦都係呢個問題後，我地三個都沉默起上黎，直到果位員工再次出黎後，「珍妮小姐，同左排版果邊講左，至於個價錢就……」果位員工拎左個計數機督左督，然後拎左比珍妮睇，「妳睇睇呢個數得唔得？」

「ＯＫ。」佢呢下ＯＫ，根本上已經係下意識嘅回答，因為佢呢一下點頭以及望住個計數機嘅數字係同一時間，亦姐係話，無論個數字係幾多幾大，珍妮都會同意。

「好，咁ＯＫ架拿，如果再有Ｄ咩野問題，我先再搵妳。」個員工講完呢一句後，就收起晒所有野，送左我地出去。

係報社門口，珍妮開聲話：「同先個問題，我係未問得好多餘，所以你地唔答我。」然後，佢轉身望住我地兩個。

我同小段尷尬起上黎，而小段就不停同我打眼色。





（頭先我答左，而家輪到你）

（傻架你，呢個問題點答啊）

（我都唔識答架）

（你快Ｄ啦，佢望住你啊而家）

我望住眼甘甘望住小段嘅珍妮，而小段諗左陣終於諗到點答佢：「其實，傻唔傻，好睇妳自己點睇。」無錯，就係呢一個似有還無、答左等於無答嘅答案，雖然睇得出小段講左出口後都有少少唔好意思，不過我用左一個欣賞嘅眼神望住小段，小段察覺到我嘅眼神後，佢自己都覺得呢個選擇係正確。





不過……而珍妮一貫嘅性格……「你用個肺講野啊，唔想答未唔好答囉，講嘛晒Ｄ廢話浪費時間。」

一矢中的！！！

小段即刻呆晒企左係度，然後，就到我遭殃……「到你啊，輝爺。」

我倒吸一口涼氣，又一樣諗左諗，諗無可諗後開始亂講：「其實……小段佢嘅說話都有Ｄ道理……」

珍妮睜大雙眼望住我，小段亦都一樣……死啦，開左個頭點都要講埋落去，「妳唔駛在乎人地嘅諗法，只要妳覺得值得，就真係值得，而且成效係只有係妳身上先會出現，我地局外人並唔知，但我可以同妳擔保，我地作為妳嘅朋友，一定會支持妳。」





氣氛又靜左，我同小段你眼望我眼，而珍妮就好似係度諗緊野。

「咁……」珍妮呢一個「咁」，嚇左我同小後一跳，「其實輝爺你都講得啱嘅。」

咁係未過左關拿我地？

「肚餓拿我，一齊去食野，我知道附近有間好出名嘅茶記。」珍妮講完後就開始行。

而我同小段先剛剛回神，「頭先我地係未好似經歷生死咁？」我問。

「係囉……我都覺。」小段答。

而已經走遠左嘅珍妮回頭望我地無跟上去，就大叫話：「快Ｄ啦你地，一陣食野果陣，我再講多Ｄ你地知。」