[年齡無界限] 就係咁，我最近出席好多喪禮: ８４　報社

「又話珍妮唔得閒，但又會約左你嘅？」同小段並肩而行嘅我問。

「今日佢真係有野做架，不過佢點解約我我都唔知。」小段答我。

而我就咁跟住小段去見珍妮，而珍妮一見到我，都驚訝我點解會出現，交待左之後，珍妮就話：「橫店到諗過要講埋比你知，咁就不如一次過話晒你地兩個聽啦。」

佢講左呢句之後，就帶左我地去到一間報社。

我同小段兩個人跟住珍妮身後面，不停研究緊點解佢要帶我地黎呢度，「輝爺你覺得佢黎呢度做咩呢？」





「會唔會呢度係佢生父開，佢黎搵返佢嘅生父？」

「都有可能ＷＯ。」

「喂，你地係度亂估Ｄ咩啊？」珍妮嘅亂入後我地先回神原來佢已經望住我地兩個好耐。

「無……無野。」我同小段異口同聲說。

「跟坐黎啦，入得去拿。」珍妮講完後，一個睇黎係呢度嘅員工行左出黎，「珍妮小姐，呢邊。」





跟住呢一位員工入去後，行到一張工作枱，而個員工就拎起左一張樣辦同珍妮解說：「珍妮小姐，照妳意思下期嘅尋人廣告會加大格數變做呢個ＳＩＺＥ，妳睇下咁樣得唔得？」

珍妮望一望呢個樣辦，打直睇一次再打橫睇一次，然後問企係佢身後嘅我地，「你地兩個比Ｄ意見。」

我同小段對望左一下，然後不約而同咁望住果位笑笑口嘅員工先望住珍妮叫我地望嘅地方，我睇到廣告上面段字，內容大嘅係話幾十年前邊個公園失散左嘅父母。

「你地覺得顯唔顯眼？」珍妮又問。

我又同小段對望左一下，因為我地兩個都唔知答珍妮Ｄ咩，我撞一撞小段叫佢答，而小段諗左一陣就話：「都……都ＯＫ嘅……」





「係……係啊，ＯＫ啊。」我附和。

珍妮放低左個樣辦，然後同個員工講：「就跟住呢個做啦。」

「好啊。」個員工聽到後，拎左個樣辦話：「咁我去同排版果個講一講，你地係度等等我先。」個員工講完呢句後就走開左。

剩低嘅，就係我地三個。

「你地，都知我係一個孤兒。」珍妮開聲話：「亦都知道左，我一直都想搵返我嘅父母，所以我一諗到有咩方法可以搵到佢地，我都會去做。」

珍妮轉身望住我地兩個，「但其實，你地會唔會覺得我咁做好傻？」