[年齡無界限] 就係咁，我最近出席好多喪禮: ７８　又係最後一頁

搵左張長椅，坐著望著小段比我嘅校刊。

「珍妮契老豆話，佢將想講嘅野寫左係其中一頁，佢話，你一定會知道果一頁係邊一頁。」講到咁，一定係最後一頁。

但我無即刻翻到最後一頁，而係慢慢一頁一頁校刊咁睇。

有一頁，係講我同志威校內運動會比賽，佢拎左全場總冠軍，而我就係亞冠。

有一頁，係水運會，呢次我就威返次，贏左佢呢左全場總冠軍。





有一頁，係我地兩個一齊參加學校嘅壁報比賽，又係我地拎左冠軍。

有一頁，係我地兩個打校隊入左最後決賽，比賽前嘅隊相，我好記得果年，我地拎左學界冠軍，佢仲係全場ＭＶＰ。

到小慧嘅班相……

我同志威嘅班相……

直到，最段一頁，我屏息靜氣睇緊志威寫嘅每一隻字，每一隻寫得走晒位，亂到無形狀嘅字，睇黎，佢花左好多時間寫呢Ｄ字比我。





阿輝：

你知唔知當我見返你果陣，我真係覺得上天送左一份最後嘅禮物比我，人生在世咁多年，都只有你我先可以覺得係我最好嘅朋友，可能係我硬頸嘅性格，朋友真係好少，傾得埋就得你同小慧，但係果一日後，我就少左一個可以交心嘅朋友。

如果當日，小慧見到你係佢校刊寫嘅字，『５點後禮堂見，有重要嘅野同妳講。』，如果佢去搵你，而唔係去搵我，我一直都覺得，其實當日如果無同小慧表白，叫小慧去搵妳，所有嘅事可能都會改變，但係小慧知道我呢個想法後，就微笑同我講：『你份人咁硬頸，你邊會咁容易放棄。』無錯，就係呢一份硬碰，再加上你嘅禮讓，先可以成就到成功嘅我。

我讀書嘅時候，一直都知道所有事你一直都讓緊我，因為你明白我係一個得唔到就係自己一個人唔開心嘅人，所以運動會嘅比賽、籃球賽、甚至係成績，我都知道你一直讓緊我，有時我覺得，有你呢一位朋友真係好，所以水運會果次，我讓返你，見你拎住塊金牌笑得好開心嘅樣，我終於明白，有時如果睇到自己好朋友成功，都係一件開心嘅事。

但係，我無讓到小慧比你，真係好對唔住，本身想即刻搵返你，但點知已經為時已晚。





來生，我一定會幫你追返小慧，我一定會讓返你，因為今生你讓我嘅野已經太多。

有你呢一位好朋友，我死而無憾。

志威

最後一頁差唔多成頁都係志威寫得走晒樣嘅字，我一邊睇，一邊笑，又一邊喊，原來志威一早都知道我讓佢，我仲以為我扮得好好添。

「志威，我呢一生有你呢一位朋友，我都不枉此生。」