[年齡無界限] 就係咁，我最近出席好多喪禮: ６８　兩星期

聽到小段講左《Ｍｅ　ｂｅｆｏｒｅ　ｙｏｕ》呢套野後，我就上網ＧＯＯＧＬＥ呢套野嘅資料，係啊，希望大家仲記得我呢個老人家識得用ＧＯＯＧＬＥ啦。

一搵到後，老實講，吸引到我嘅係比電影海報入面個女人。

咁好正常姐，我係一個男人，緊係睇女人啦，唔通ＧＡＹ　ＴＥＳＴ睇仔咩。

當然個女仔又唔係話好正，我意思係海報影出黎，唔係話本，但係佢果個天使般嘅笑容，真係好吸引到我嘅目光。

再睇一睇套戲嘅內容，就同小段所講嘅一樣，呢套戲，係講安樂死，人面主角因為意外後下半身癱左，佢同屋企人講希望可以願成佢最後心願，比佢安樂死，而後來佢所請返黎照顧佢嘅女主角知道件事後，就想扭住佢呢個決家。





咁當然最後係扭轉唔到啦。

睇完呢套戲，諗起上次見到志威個女，一開口就問志威係未真係要去，睇黎佢都想左好多方法希望佢阿爸改變決定。

但最後都係無可能。

拎住要送比志威嘅金牌，諗起電影最後果一幕，男望角係間小屋入面，訓係床度，女主角最後都有去見佢最後一面，而當中佢地有幾句對白，係男主角要求女主角望住佢，但係女主角答佢唔可以，佢做唔到……

唔知到志威死果一刻，我可唔可以直視住佢？





其實，呢個想法未到我諗，最應該諗嘅人，係小慧？

突然間，電話響左聲，係小段嘅ＭＳＧ。

小段：已經同佢地講左話你都會出席珍妮契老豆嘅喪禮。
我：無問題
小段：住宿方面應該唔駛你出錢
小段：但係機票果方面就可能要你自己比錢
我：無問題
小段：咁我一陣比個日期你




小段：你睇下你想買邊日
小段：如果你唔知點買，我可以幫你
我：我出過國，買票呢Ｄ野我都識嘅
我：如果買唔到再找你

等左陣，小段ＳＤ左個日期比我，我望一望呢個日期，同而家相差，仲有兩個星期。