[年齡無界限] 就係咁，我最近出席好多喪禮: ５４　小慧

兩日後……

「各位弟兄，我地低下頭祈禱。」

我點解會係呢度……

「主啊，今日我地會為三件事而禱告……」

我記得拿，我因為答應左珍妮所以先黎到呢一度。





呢一度，就係佢有次約我去見佢嘅地方，問心果句，我又一入黎果一刻直到而家，我都唔知自己係度做緊咩。

我剩係知道，係我眼前果位人兄講左幾個鐘嘅野，都唔駛飲一啖水，我真心佩服佢，如果係我，我一早口乾到講唔出野。

「輝爺，祈緊禱架，低下頭啊。」仲有坐係我身邊嘅珍妮，佢今日全程嚮導咁，煩過出面果位人兄。

「唉……」我嘆左啖氣後低下頭。

「做咩嘆氣？係未有唔開心嘅事？」珍妮問我。





「……係啊。」我隨便咁答。

「咁你可以自己禱告話比主聽架。」珍妮話。

而我深呼吸左一啖氣，細細聲話：「主啊，我事究幾時先走得啊？」

如事者，果位仁兄帶領我地祈左兩個鐘，又香港小事到世界大事都祈埋，再祈求世界和平……兩個鐘閉上眼，我有一刻真係差Ｄ訓著……唔係，我好似真係訓左，因為到最後係珍妮叫醒我。

「今日完結之前……」好野！呢位人兄講得呢句，就姐係話我就快可以離開呢度！！！「……我地好高興珍妮姊妹帶左一位朋友黎，我地而家比Ｄ掌聲，聽聽呢一句新朋友對我地有咩野睇法。」





掌聲四起，不過我就真係拍唔落手，因為佢咁講，姐係要我向佢地講Ｄ野！？

有咩好講啊！？我真係唔好呢一味野！

「呢句弟兄，請你出一出黎分享。」弟咩野兄！我同你唔係好熟咋。

「出去啦輝爺！」珍妮幾時變得咁大力架，佢推左我出去後，然後加多把口話：「佢好想快Ｄ分享對我地嘅想法啊，掌聲！」

掌聲又再四起……

「珍妮……我真係多謝妳……」呢一句我真係打從心底講出黎，「多謝妳帶左我黎呢一個地方……比我感受到原來呢個世界上面，仲有一班好似你地咁嘅人……」

「好！」珍妮，多謝妳嘅附和。

我苦笑住望住佢地，然而，我面前嘅門口一開，一位上左年紀嘅女士係我面前出現，「除姑娘整嘅野真係好好食。」





我認得，佢手上面戴嘅果條鏈，係我送比佢嘅，再望返上去，見到佢個樣，雖然年華老去，但係佢臉嘅輪廓，佢嘅淺笑，笑起上黎左邊臉頰嘅酒窩。

「小慧！？」我口中講出左腦海閃個嘅名，呢個女人，係我第一個愛嘅人。