[年齡無界限] 就係咁，我最近出席好多喪禮: ８　行動最實際

咁我都識做嘅，同福伯拎左部手提坐左去另一邊，廢事阻住佢地楚河漢界。

「其實呢幾間都好似唔錯。」福伯戴住佢副老花眼鏡，控到個頭係個螢幕前幾ＣＭ咁近話：「但點去啊？」

我用手指係緊餘嘅空間指左指，「呢度有講邊Ｄ車可以去到。」

福伯將個頭移到我所指嘅位置，「係ＷＯ，有架車係我地附近可以去到架ＷＯ。」

「係架。」我隨便咁答佢，但佢就轉頭用一個好認真嘅眼神望住我話：「咁就今日去啦。」





我成日話Ｄ後生仔衝動，其實Ｄ老人家有時都會好衝動架。

係香港我地呢Ｄ老人家坐車，兩蚊搞掂，所以有Ｄ朋友真係為左佢平，而又無野做，遊足一日巴士河架。

而今日我同福伯就唔同，係有目的咁去一個地方。

上到車，我地呢Ｄ老人家緊係要搵個位坐下啦，其實唔係話我地唔企得，而係都唔知而家Ｄ巴士司機係未當架巴士係過山車咁，揸到架車勁浪，馬步稍有少少唔穩就真係會仆街架。

我地Ｄ老人家又唔跌得，骨頭脆，所以都係坐定定好Ｄ。





一坐低，佢又一輪咀係咁講野，佢嘅咳聲夾雜住佢講野嘅聲音，充斥住呢一架巴士入面，我同平時一樣，都係點下頭應下佢。

真到，到左我地其中一個想去嘅目的地。