[年齡無界限] 就係咁，我最近出席好多喪禮: ５　老人院

真係好難得佢會一粒聲都無，由頭先到而家我諗已經ＤＥＡＲ　ＡＩＲ　左十五分鐘，所以我是但接返頭先個主題問佢：「咁你間屋之後未要裝修囉？」

我咁問後，佢又嘆左口氣：「係啊，但佢地唔想大搞ＷＯ。」

「姐係點？」我又問。

佢停左玩果舊野，然後講：「姐係話，佢地唔想郁屋企個格局，但又想多間房出嚟。」

「咁姐係點？」老人家腦轉數係慢Ｄ。





「佢地想我去住老人院，要我讓間房出嚟。」佢雖然用好平靜嘅語氣講，但係睇得出佢好心淡。

聽到呢個答案後，我都唔知點接落去，但福伯就好似開著左個制咁，不停講：「無計啦，邊個叫我地窮等人家，住得個幾百呎嘅樓，根本都唔夠住，人老就係阻住晒Ｄ地方，我都係疊埋心水搵間老人院好過啦。」

聽到佢咁講，我仲無聲出。

事問我地呢Ｄ老人家，又邊個真係想入住老人院，因為老人院比我地嘅感覺，就係一Ｄ無左家庭溫暖嘅人先會入住嘅地方。

我地有邊個唔想同仔仔女女一齊住先得架，但係為左生活，仲要係一個咁講求物質生活嘅香港，我地呢Ｄ老人家唯有咁樣選擇。





但係香港寸金尺土，好難會係市區搵到一個理想嘅老人院。有Ｄ錢嘅，可能會係貴嘅地段搵，就好似九龍塘果Ｄ地區。但係無錢嘅，就只可以係類似深水埗呢Ｄ有好多舊唐樓嘅地區搵。

你可能會問，點解唔入新界入面果Ｄ，環境又會好Ｄ，空氣又清新Ｄ。無它嘅，因為間老人院愈近市區，就代表你Ｄ仔仔女女愈容易入嚟睇你。好多老人家，又話者佢地嘅家人都係呢一種心態，所以市區Ｄ老人院嘅位都長期爆滿，有時唔係話你想住就有得住，仲可能要派隊添。

大陸果Ｄ？咁未仲遠，都係果句，有邊個老人家唔想Ｄ仔仔女女可以方便Ｄ成日探自己。好話唔好聽，有時真係兩腳一伸，見最後一面果程車都用短Ｄ時間啦。