[年齡無界限] 就係咁，我最近出席好多喪禮: ４　一個風和日麗既早上

老人家，退左休無野做，有仔仔女女或有伴嘅，可能會去飲下茶，賣下魚養下，一支公嘅話，就可以去坐下公園，又或者用兩蚊坐巴士去Ｄ遠Ｄ嘅地方行下。

大概都係咁嘅生活。

而我，就係後者。

每日我都會嚟呢一個公園坐，睇下Ｄ大媽跳舞，然後等Ｄ棋友又或者牌友到，齊腳嘅話就開始玩十五胡。

唔齊腳嘅話，果日未吹下水係公園到做下運動。





每日坐係我旁邊嘅都係一位老伯，年紀都有返咁上下，係我其中一位固定牌友，但係，成日都會輸比我。每次輸，佢都會笑笑口咁講：「我諗我只可以同你鬥早死，呢樣我先有把握嬴你。」

我地呢Ｄ老人家就係咁搞笑，自己開自己死嘅玩笑就得，但如果其他人攞呢樣野開自己玩笑嘅話，就火都嚟埋。

我幾鐘意同佢一齊傾計，因為佢係一個好多野講嘅人，好多時都只係佢不停係咁講，我適時回應下佢就係。

有一個嘈吵嘅人係你身邊，日子都易過Ｄ。佢通常講嘅都關於佢屋企人嘅事，佢個唔孝順嘅仔，佢個成日刻薄佢嘅新袍，佢好百厭嘅死飛仔孫仔，同好多人追嘅染左金毛嘅ＭＫ孫女。

但係又好奇怪，佢成日係咁講野，仲成日咳，但係又唔見佢去飲水架ＷＯ，講咁多野唔口乾架咩？





而今日，佢一坐低又係到呻。

「唉……」

「晨早流流做咩事唉唉聲咁啊，福伯。」我叫佢做福伯。

「無，比個新袍激親姐。」佢雙手捉住個老人舒展手部嘅公園設備，一路玩一路講：「佢話ＷＯ，我孫女大個女拿，開始嚟果Ｄ野拿，要整多間房比佢自己一個訓，唔好再同孫仔訓咁話ＷＯ。」

「果Ｄ野係指咩野？」我問。





「女人個個月流血果Ｄ啊。」佢答。

「哦。」我好簡單咁應左佢之後，佢少有地無出聲。