【英雄系列4】神盜俠侶: 14

14.

呢條秘密通道...係通去邊既呢？


「不過..咁樣三個人落哂去似乎太危險，misa，一係你留響度，我同阿德落去，萬一有咩事出面都有個人照應」彪叔道


「唔好！！不如我同阿德落...」





misa呢句大聲到嚇親我同彪叔

「我..我既意思係我同阿德佢..佢夾開嘛，咁..咁..彪叔你年紀咁大，響度抖下先嘛...」


「又得姐，不過misa，我今年先45歲，邊度年紀大呀？」彪叔扮嬲笑道


最後決定，我同misa落去，彪叔留響地下





「喂，做咩死都要跟住黎呀你？」

misa面有難色:「上..上面得自己一個危險嘛！留比彪叔呢d有經驗既人會好d囉！唔通你以為我會為左你落黎咩！」



由於通道漆黑一片，我同misa都開著手機既電筒

兩側都係用磚牆堆砌而成，並冇任何圖形之種既線索






「你估呢筆遺產會唔會收埋響呢度丫嗱？」misa問

「唔會掛...直覺覺得呢筆遺產冇咁易拎到手...」我繼續用手機照住前方



行左大約兩分鐘

響通道盡頭等住我地既，竟然係一個寶箱


「咁老土用寶箱都有既..」我踏前，正想打開寶箱

「阿德！！」misa響後面大叫:「小心d呀...」





「屌，得啦...」都唔知佢驚咩


我慢慢打開寶箱，入面卻只有一張SD卡

「呢d地方有SD卡，好明顯有料到啦...」


我張SD卡插入andphone

馬上顯示出一個GPS座標


係位於波圖以東，一個叫Pedorido既地位






「唔係掛，又要玩尋寶遊戲呀..」misa皺眉

「咁都冇辦法架..你唔想收果一億咩..」





「Pedorido...果度係個鄉村仔黎咋喎...」彪叔細想:「不過，既然下一個提示係呢度既話，就點都要去既..」

「咁事不宜遲，快d去果一度啦..」








「砰！！！！」

大門傳出一下爆破聲


幾個身穿裝甲既特種部隊隨即衝進大門

「小心！！！」彪叔將我地拉到長木凳下



「點...點解會咁既...！？」misa慌張問





我小心翼翼探頭出去:「佢地d裝甲寫住....DELAS Securities」


「迪拉斯...！果然係佢地！」

我輕聲問:「咁....點解佢地會黎呢度既..」

彪叔推測:「佢地應該係用拍賣會同機場既cctv黎鎖定我地...」


特種部隊逐步靠近

「彪叔，依家咁點算呀..？」


彪叔遞上一部手槍俾我，再為另一支手槍上膛

「阿德，一陣數三聲，你帶住misa衝出去頭先入黎果道暗道，我掩護你地」

「彪叔，咁你..！」


「唔駛擔心我，你地兩個照顧好自己就得啦..」彪叔拉好板機:「準備啦，三..」

「彪叔呀...」

「二...」


「一！！」


彪叔企起身，馬上對住特種部隊連開幾槍

「走呀！！！」


我拉住misa，奔向秘道入口

彪叔隨後跟上，掩護我地


「砰！！」

「呀..」一槍擊中彪叔既左腳，令彪叔倒地


「彪叔！！！」我甩開misa隻手，衝回彪叔處

「唔好理我..快d走...」

我扶起彪叔:「我點可以由得你死呀」


我支撐住彪叔逃到秘道，彪叔就繼續對住迪拉斯部隊射擊



「快..快d走！」我同misa各一邊支撐住彪叔，逃出教堂

呢個時候已經聽到後面密集既腳步聲


「上車呀！」我地扶住彪叔去到租返黎既汽車尾座

而我就坐上司機位



仆街啦...



misa見我久未開車，想催促我:「阿德仲唔開車？！佢地殺到黎啦！！！」

「架車...左軚架，點撚揸呀...」

「又咩分別喎！咪又係車！！」misa猛搖住我:「彪叔傷左，得返你揸得車咋！！！」

「屌..得啦！」


我揸住油門，直衝出大馬路上

「彪叔，我地送你去醫院先啦！！」

「唔駛..少少槍傷姐..」彪叔從背囊拎出一把小刀:「依家最緊要係去到下一個地點」


「彪叔你想做咩呀！？」misa不安道

「呀！！！」彪叔竟用小刀，將子彈拔出！

「嘿，依家咁咪冇事囉..」滿頭大汗既彪叔慢慢包紮好傷口:「中槍呢家野，一年都十幾次啦」




「砰！！！！！」

一架黑色裝甲車，竟然從後撞向我地

睇黎都係迪拉斯果班人，響大街大巷都要死咬住我地唔放！


「迪拉斯班仆街！仲係追住黎！」彪叔拎起槍:「阿德專心揸車！！後面既人我黎解決！！」


「轟隆！！！！！」架裝甲車又撞埋黎

「呀！！」misa嚇到尖叫


「砰！砰！」彪叔探頭射擊，擊中裝甲車既車輪，但似乎冇效

「可惡！車轆都係防彈」


裝甲車逐步從左邊逼近

「阿德，用槍啦！！！」

「但係..」殺人喎屌，點做呀我..

彪叔一邊上彈一邊講:「唔用我地大家都會死架！！！」


無奈之下，我只好拎出頭先彪叔比我既果把手槍


跟住電影中既方法，我拉下板機，對準裝甲車既車輪

「砰！」