【英雄系列4】神盜俠侶: 15

15.

子彈擊中車輪，同時打出裂縫

同時，強大既後座力差點令我甩開手槍


彪叔再對住裂縫開槍，裝甲車隨即失跌衝出公路，飛落斗羅河

「嘩！！犀利呀！！！」misa興奮大叫:「嚇死我呀頭先，幾驚會死呀！」





「嘿，多得阿德頭先果下近距離射擊先打得爆個車軚...阿德..阿德！！」


開完槍之後，我已經嚇到六神無主

「呃..係....我無事..」

我冇諗到原來開槍既壓力係咁大






我回頭望望，整個波圖市區都被我地搞到一片混亂

「彪叔..咁樣唔會有事掛..」



「放心..呢d響大街大巷發生既槍戰，響歐洲其實唔算少見既」彪叔抽一口煙:「咁我地..依家就照去Pedorido啦...」








由波圖市區去到Pedorido需時兩小時


「彪叔，你隻腳無事丫嘛？」misa問

「緊係無事啦！子彈唔算射得好深入，依家都止左血啦」彪叔拍拍自己既傷口


我地跟住GPS既位置去到Pedorido既一個山頭

「但係呢個山頭，似乎冇乜特別咋喎」

misa同我一齊撥開長草搜索:「係囉...又冇d秘道...會唔會又係要條頸鍊先啟動到d機關呀？」






我拎出頸鍊，四周查探，但依然搵唔出有咩線索

「唔似有料到喎..」


「嘭嘭嘭嘭嘭！」

我同misa踩住既泥土突然塌下


「呀！！！！！！」我地兩人應聲墮下

「阿德！！！misa！！！」彪叔拉都拉唔住







「砰！！！！」

好痛...

到底做乜鳩呀...


「丫...好痛丫..」響我身旁既misa痛叫:「做乜無啦啦會跌左落黎架...」

「我都唔知..唔會係陷阱掛...」我猜想






「阿德，misa，你地無野丫嘛！！」上面既彪叔大叫

「無事...好彩下面只係...咦？」


呢一刻先發現，我地正響一堆沙上

所以頭先果下跌落黎先冇受傷


「呢度係...」

我同misa此刻才注意到，呢度係一個極空曠既山洞






「彪叔...樓下係個好大既山洞黎架」

彪叔:「咁我試下搵下周圍有冇入口入到黎啦！！」

「嗯...」


我同misa慢慢起返身

「都唔知出唔出得返去tim架..」misa灰心道:「哎呀，我唔想成世都困響度呀..」

「我夠唔想啦屌，拿拿聲搵下有冇出口好過啦...」我用手機既電筒照住周圍:「咪住先..點解...」

「點解！呢個山洞咁新淨既？！」


佢既新淨程度簡直同tvb拍戲果d假山洞有得比

「咁即係..呢度唔似係一個密閉空間啦..應該真係有出口..」

misa問:「但係，一個山洞點會有人打掃架？唔通..呢度有d咩秘密？」


秘密？！

「呢度...就係..收埋遺產既地方？！」

我地的確係跟住GPS位置黎到Pedorido呢度，而頭先我地響山上面亦搵唔到有其他線索

即係話，呢度好大機會就係今次旅程既目的地


「隆隆！！」

身後傳出巨響，將我地兩人吸引過來


岩石上，竟出現一道通道


「嘩...拍奪寶奇兵咩..」我行去通道入口:「喂misa，入去啦」

「咪住先呀阿德...可能有陷阱架喎..」misa擔憂道

我提議:「咁...一係我入去，你響出面啦，萬一有咩事都有人響出面嘛」

「咁又唔好！我..我驚呀，都..都係一齊入去啦！」

都唔知misa做乜，神神化化咁


我地慢步行進通道，途中不忘照照通道周圍

而misa，就一路捉住我

「喂，你捉到我好痛呀！」

「對..對唔住囉！」misa先慢慢縮手




行到盡頭

響我地前面既，竟然係..


「電...電..電腦？！」




「噔」

電腦螢幕上畫面出現左一個外藉老人

佢頭髮蒼白，卻有一副仿如智者既容貌



佢先以英文講出第一句話

「你好，我係艾比度拿華斯」

佢..就係比斯利的紅心，以及『聖人遺產』既管理人



「你地黎得呢度，相信你地都知道比斯利的紅心同聖人遺產既秘密」

「響1989年，蘇聯解體，我開始了解到呢個世界並唔安全，隨時會爆發戰爭，所以我聯同另外九位世界級既富商，籌集一百億美金，就係聖人遺產」

「原來呢一筆錢只係用黎作戰爭救濟之用，但後來我地都產生一種想法：阻止戰爭發生先係上策」

「所以...我地將呢一百億美金，換成呢一樣野」


「咔！」

電腦下既櫃桶自動打開

裡面係一塊小型電腦底版


「呢一個，就係以一百億美金製成既超級電腦，Archangel，佢可以計算出災難、恐怖襲擊既風險，隨而阻止」

「我之所以唔直接將佢交比政府或者IID之類既國際組織，係因為我知道佢地之中，早已經有不同既恐怖份子滲透」

「於是，我情願將聖人遺產交比解得開比斯利的紅心之內秘密既人，至少我唔駛親手將佢交比不法份子」

「雖然我阻止唔到螢幕前面既你地點用聖人遺產，但係我想你地知道，呢一個超級電腦Archangel，有能力毀滅世界，希望你地考慮清楚」