【英雄系列4】神盜俠侶: 12

12.


美雪捉緊繩索，慢慢升上去

拍賣會現場一片混亂，頭先蛇王既保安們亦即刻到場



「阿德？做咩事呀？！！」彪叔緊張問





「有人截左我地糊呀！」我馬上拔足走出大廳:「我同misa依家過去追佢！！！」


「踏踏踏踏」

我跑往升降機大堂，不停按掣


「喂，阿德！！！唔好跑咁快啦」著住高踭腳既misa尾隨我:「你知果個black milky去左邊咩！？」





「我頭先已經睇左andphone入面既酒店地圖，要通往大廳天幕就得東翼樓層既一條線姐，果個black milky一定係由果度過黎！」


我同misa搭上高速升降機，二十秒就到達東翼天台

剛好與準備逃走既black milky對峙


「你地都幾快架喎..嘻嘻」black milky放下一個應該裝住比斯利的紅心既黑色袋，笑道





「唔駛做戲啦，你就係美雪」我指住black milky

misa大感錯愕:「吓，阿德你講真架？」


「哈哈，果然呃唔到你喎」black milky除下面具，顯露出可愛既臉蛋:「不過我都估唔到，阿德你地兩個都係想偷比斯利的紅心姐」

「原來真係你個死臭西！！！仲要截我地糊！！！」misa怒道

「臭..臭西？咩黎架？」美雪無知地問

「即係講緊你呀，死架妹！！！」misa衝過去，卻以飛拳擊向美雪






「格！」

美雪一手捉住misa既拳頭:「哼，咁樣就想打贏我？！」

一記飛腿將misa踢開


「misa！！」

我以小時學過既空手道進攻

雖有生梳，但依然猶如猛虎之勢


但美雪既武術比我更好，利用借力打力之式將我既攻擊化解








「點呀，打唔到我呀？」美雪笑道，乘勢以太極掌式將我推開

嘩，估唔到佢咁細粒，都打得幾痛


「呀！！！！」

misa成個癲婆咁，從後勒住美雪

但misa明顯冇食過夜粥，被美雪一野過背摔擊倒






但咁樣已經夠比我...

「砰！」美雪毫不猶疑，使出一記迴旋腿將我踢飛


「嘻嘻，阿德你都幾犀利丫，不過都係同香港果個阿七差太遠啦！」美雪拎起黑色袋，對倒地既我做出飛吻:「咁我走先啦，bye！」


美雪以繩索套住對面大廈，猶如蜘蛛俠一樣逃離現場










「死八婆咪走呀！！我..」misa掩住傷處

「喂misa，唔駛追啦..」


我從褲袋拎出比斯利的紅心

「嘩，點解既點解既！？點解條比斯利的紅心響你度既！？」misa馬上羽田愛上身


「響頭先你勒住美雪果陣，我已經一早伸手入去偷走比斯利的紅心，放左十個十蚊銀落去，咁佢更加唔會發現重量唔同左」

「哈，你都幾醒目架喎..」misa道:「咁我地比人打都算有返d價值」


「喂，阿德，misa..」彪叔上氣唔接下氣咁上到黎:「又話比人截左糊既？果個人呢？」

「走左啦..不過比斯利的紅心依家已經響我度啦」

「做得好呀阿德，不過...我地當務之急係要走出呢間酒店先」彪叔拎出吸力手套:「我地由呢度經水管爬落去啦」


misa一臉徬徨

「死啦...我無帶吸力手套...」



「喂，阿德你爬慢d啦...我唔想跌落去呀...」

結果，我要背住misa，兩個人一齊爬落去

「得啦，你知唔知你好重呀」

「重！？我不知幾fit呀！！！」misa嬲到不停打我背脊

「屌你咪打啦！！」

而彪叔一早已經落到去，不停恥笑我同misa





彪叔跟住我地一齊到酒店

「彪叔...咁依家拎到頸鍊，咁應該點做呀？」misa問

「通常有兩種方式可以睇到入面收埋既信息，第一種係機關」彪叔檢查住頸鍊:「但係size咁細又唔見有丫..」

「第二種就係要用特殊既光先照到」


彪叔早已準備左一把紫外光燈，照住比斯利的紅心

紅石上既字亦慢慢浮現

「啊...有啦！」


「41°08'58"N  8°36'39"W」


「呢個係...經緯度黎？」我問

「嗯..等我查下先」彪叔拎出andphone

「搵到啦，係位於葡萄牙波圖..市中心入面最大既聖保羅教堂」彪叔思量著:「咁睇黎...果筆聖人遺產，好有可能響果度啦」


「阿德，misa，聽朝早我地即刻起程去波圖啦，至於呢條比斯利的紅心，有可能仲有其他線索，我地要保管住先」

「咁樣..我返去先，聽朝7點樓下等啦」


彪叔離開後

「唉...估唔到咁快就要離開西班牙，真係有d唔捨得呀..」

到底呢筆聖人遺產係咩黎呢？點解要咁解迷黎搵出線索呢..


「阿德..阿德！你諗緊咩呀？」正在沉思既我被misa察覺到

「冇..冇野呀...早d訓啦，聽朝仲要一早起身架..」