【英雄系列4】神盜俠侶: 10
10.
「哼！」
「做乜呀misa..全日都黑哂面咁」對住西哂面既misa，我只好問
「無野喎！」misa不停鯨吞牛扒、飲住紅酒
「哦！！你知啦，你緊係唔抵得美雪小姐靚又靚過你，身材又好過你呢！？」我恥笑道:「咁又係呀，係男人都會鐘意美雪小姐呢type既架妹既，呵呵」
「你！邊..邊個得閒唔抵得佢呀？！」misa火起:「你..你唔好睇得自己咁重呀林保德！」
「咁你全日黑起塊面做咩姐？」
misa支吾其詞:「冇..冇野呀..你唔好咁多事啦！」
食完飯返到酒店後
「好眼訓，我沖涼先啦」misa拎住衣物走進洗手間
眼訓頭先就咪飲咁多酒啦
係喎，彪叔下晝比左果箱野我，睇下係咩黎先
我打開紙皮箱，係一袋袋各種既裝備，仲有埋說明書
睇左十五分鐘，總算對呢堆裝備有一定了解
包括:
吸力手套:禁下手背位置既掣就可以產手磁力，可以吸住任何野
智能繩:可以勾住任何東西，方便潛入或飛檐走壁
麻醉槍:有著細小體積，一發就可以令人陷入昏迷狀態
andphone:外型同舊iphone一樣，可以同隊友溝通、可以變聲、可以記低目標位置
微型藍牙耳機:細過成粒米咁，可以連接andphone通信
追蹤器:GPS位置可以直接連到andphone
就咁睇呢堆野都幾高科技，睇黎IID呢班人真係唔係講玩
「呼..舒服哂！」
misa身穿白色睡衣，抹住頭行出黎:「咦，呢堆就係今日彪叔比我地果d野黎架？」
「嗯，你自己睇下啦..」
misa逐袋拎起:「嘩，都幾專業架喎...」
「有呢d裝備，咁先似返個盜賊架嘛..」
「阿德..」misa飲左一啖水:「其實，我有d驚...今次既行動好似好危險咁..」
「無錯...我係想要錢，但係如果我死左，婆婆就會孤零零一個架啦」
「原來你都識驚既，咁果陣就咪偷我銀包啦..」
我嘆口氣:「放心啦，我點都會保護你既」
「吓...」misa被我嚇到
「做咩呀？唔滿意呀？」
「唔..唔係」misa輕輕一笑:「只係估唔到阿德你都會講呢d野姐」
講句野姐，條八婆唔係咁易感動下話...
兩日後，拍賣會當日
「喂阿德，你地一陣七點響韋斯卡市酒店樓下等啦，我會黎接你地架啦」
「嗯，一陣見」
「彪叔話五點響韋斯卡市酒店等喎」我打開地圖:「哦...附近姐」
「丫，你估一陣個拍賣會係點既呢？」misa問
「咪又係成班有錢佬舉下牌投標咁囉...」
misa笑道:「希望一陣可以識到d靚仔啦！」
我:「你咁既相貌，識撚到咩！」
「車，你估果個姣婆美雪又會睇中你咩！照下鏡啦林保德！」
屌你，你咪又係姣婆！
到左約定既時間，我同misa早已盛裝打扮好，前往拍賣會會場
「阿德，你覺得我著成點呀？」misa響我面前擺動自己既藍色晚裝
「屌..咪同你平時一撚樣，唔通會靚到變janice man咩！」點解d女人咁鐘意問呢d on9問題
「哼！呢條裙我特登買架，為左著比你..」
「咩話？up乜呀你？」
「冇..冇野呀..你咪煩住哂啦」misa臉都紅哂，都唔知做乜
「丫你地黎左啦！」彪叔從酒店內跑出黎:「我響入面幫你地留左名，你地依家可以入得去架啦」
「哦..唔該彪叔」
入到拍賣會會場，果然同我想像中一樣，都係成堆著西裝晚裝既有錢男女響度飲緊酒
除左老外，亦有少數亞洲人面孔
彪叔指住位於最前方既主舞台道:「嗱，一陣所有拍賣既物品都會放響呢個舞台上面，包括今次我地既目標：比斯利的紅心」
「咁...我地等陣應該點做呀？」misa問
彪叔:「我既計劃係咁，一陣響拍賣比斯利的紅心既時候熄左中央供電，你地兩個就落手去偷」
聽落好似好簡單咁，事實有冇咁易呀
「有冇帶andphone呀？一陣用佢連埋微型藍牙耳機黎聯絡啦」
「嗯..」我跟misa將耳機塞落耳中
「依家最大既問題係，由呢度前往中央供電掣房，需要經過重重保安...地圖我已經send左去你地部andphone度啦」彪叔拎左一杯cocktail:「我一個人未必搞得掂，所以阿德你要兩邊跑，響同我開路之後，再返黎呢度，同misa一齊偷走比斯利的紅心」
「但係...趕唔趕得切架？」
「趕得切既，如果依家就開始行去既話..」
「咦，你咪係阿德？」
把聲咁熟既...？
「估唔到響呢度都撞到你，真係好彩啦！」
「係美雪？！」佢著住條紅色deep v裙，十分養眼
美雪笑得好甜:「阿德你地又係黎投比斯利的紅心架？」
我問:「乜今晚d人個個都係黎投佢既咩？」
「嗯！佢係西班牙富翁艾比度拿華斯既收藏黎」
忽然，美雪成個樣都變得認真
「聽聞...呢條頸鍊入面仲有，果筆聖人的遺產既下落」
一講呢句，我地三人都呆哂
「咁...我走先啦，一陣有機會再見啦，拜拜！」
「哼.原來條八婆都知呢d野..」misa板起嘴臉
「睇黎呢個消息已經傳左出去，亦即係話呢個拍賣會好有機會有其他人想落手...阿德，我地要快d去電掣房啦」
「阿德...」misa拉住我:「小心d呀..」
「嗯」