【英雄系列4】神盜俠侶: 9

9.


「各位旅客,現在航機即將起飛,為左避免干擾飛航儀器.....」

等待以久，飛機既引擎終於轉動，準備起飛至高空三萬呎


望住窗外漸漸變小既香港，我不斷諗





到底下次返到黎既時間，我會點呢？

帶住一億？定係...根本返唔到黎？




我問:「misa，你地坐過飛機未呀？」






「未..未呀，咁大個女最遠都係去番禺..」misa苦笑

「我都係畢業果陣搭過一次去日本旅行姐..」


「哈哈，其實...我今次都只係第二次出國咋」我道:「果陣畢業，同個fd去日本旅行..」

misa扁起嘴:「我都想去日本呀...不如我地今次事成之後，你請我去丫！」






「你都大把錢啦，駛乜我請呀！」

「比d風度啦，唔怪之得你冇女朋友呀！到時去到日本一定要去箱根浸溫泉！去新宿買靚衫！」駛唔駛咁講野呀...


「無你咁好氣..」我拎返果本盜賊筆記:「王生話過我地最好學下d格鬥術...」

「咁你慢慢學啦，我訓陣先！反正有排等」misa閉上雙眼


屌，鬼唔望你條八婆比人打死呀



筆記內既都係一d基本既自衛術，連我細個學過既空手道都不如





屌，王生真係當我傻架喎...


睇完本筆記，我只好打開面前既電視，全部電影都睇過...

迫於無奈，只好合埋眼訓教





「叮!」

「本班機預定於30分鐘後到達馬德里.地面溫度為32度... 」






呢一句將我同misa叫醒

「嘩，原來訓左成十個鐘架啦...」

我望住手錶:「西班牙同香港差7個鐘，依家落到去應該下晝啦」

「咁都好，仲有一日可以周圍玩下！」misa拎出手袋中既西班牙旅遊書

「大佬，我地唔係黎旅行架，做左正經野先啦」我接住問:「唔知道發叔講果位同事係咩人黎既呢？」

但misa已經顧住睇旅遊書，完全冇理到我






落機後，我同misa隨即去過關

搞左成半粒鐘，終於出到去巴拉哈斯機場



「嘩，好好太陽呀！」misa抹住汗:「不過都好熱下喎...」

「緊係熱啦成三十幾度，仲熱過香港」我開著部手機:「發叔果位同事點搵我地呢..」


「喂喂喂！原來你地響度呀..」一名著住花花恤衫既大叔走過黎

「哈哈，阿發同我講左啦，你地就係阿德同misa下話？」






「嗯...你好..」我先點頭

「我叫林彪，係IID西班牙分部既特工，你地叫我彪叔得啦」彪叔遞上卡片:「我知你地係黎查聖人遺產，希望合作愉快啦！我幫你地安排左酒店架啦，我車你地去丫！」




彪叔揸住佢架七人車，將我地載到馬德里市內既一間酒店


「呢間The Westin Palace我特登搵比你地架，IID已經幫你地訂左間penthouse，5星級包你地話正呀！」

彪叔比左一大疊單張我:「嗱，呢疊野呢度除左寫左馬德里有咩好玩之外，仲有有關星期日拍賣會既資料，你地都可以睇下架..仲有呢箱..」

彪叔響車尾箱拎左一個大紙皮箱比我

「呢箱呢，就係IID行動時會用既裝備黎，你地得閒可以睇下架」



「咁..我地點聯絡你呀？」misa問


「咦係喎唔記得左，哈哈」彪叔響單張上寫左自己既電話號碼:「你地有咩唔識唔明都可以打比我架，咁我走先啦，我星期日會同你地一齊入去拍賣會現場，到時再見啦」

就咁睇，呢個彪叔都幾熱情，希望係好人啦



入到酒店lobby

「Sir, can I help you?」好彩班友仔都識英文，西班牙文我剩係識messi kimochi姐

我同佢講我地叫咩名，佢就話我地已經訂左間penthouse響頂樓，仲比左2張keycard我地

d服務好過香港果d濕鳩酒店仔






「嘩好大張床呀！！！！」misa一入到房就跳上張大床上面

呢間penthouse估計都有二千呎，浴室極大，出面仲有個露台，可以睇到成個馬德里

「阿德，過多陣陪我去行街丫」

「唔去啦，咁撚攰」

misa嬌嗲哀求:「耶~~去啦~去啦~~」

「唉好啦好啦，怕左你！」


被misa請求下，我只好陪佢出去市中心行街


「好彩帶夠錢，可以狂掃貨！」misa笑道

「都唔明你地d女人買咁多衫做乜鳩...咁就咪撚帶埋d衫過黎啦」

misa不滿道:「哼，你識咩丫！...有lift啦」




lift門準備關上之際


「待って！！」

一把女聲從外面叫道，我馬上禁返開門掣


「Gracias！ありがとう！」
講日文既條女？


嘩！

呢條啡長髮既女好撚正呀
雖然矮過misa，不過贏在夠白淨，對腳亦都幾靚

而重點係，佢著住條紅色裙，露出豐滿既雙乳

睇到我下體都出現反應


「咦，睇你地個樣，係咪香港人黎架？」呢個架妹竟然識講廣東話？

「係..係呀」我尷尬問:「你識廣東話既？」

「嗯，我響香港住過一排架！」架妹烏低身鞠躬:「我叫渡邊美雪呀，你地好！」


「我叫阿德，呢個就叫misa..」

「哼..」自從美雪入左黎之後，misa就黑哂面，做乜鳩..


「叮！」升降機落到樓下

「你地好呀，咁我行先啦，拜拜..」


嘩，呢個美雪真係幾正喎，架妹真係唔同d


「哼！咸濕仔！」misa已經西口西面

「咩呀..咁呢個美雪真係正嘛！」

「係呀係呀！人地又嗲又好身材嘛！」misa特登撞開我:「哼，露少少胸就流哂口水咁，死淫蟲！」


屌，你果陣勾引個毒男咪又係露對波出黎，你講哂啦！