《男神同我拍拖？》: 第二章

“阿羽，課室係四樓。你比啲我攞喇”“唔洗！”真係唔明佢係點諗㗎。如是者，佢就拎到翻班房。我就梗係開門喇。入到班房，就有一把好恐怖嘅聲“林奕敏，我係叫你哋一齊攞嘢。唔係叫梁楚羽一個人攞晒！”關我咩事喎，係佢要攞咁多嘅！我咩都未講，佢就出聲“唔關佢事，係我話要攞。而且佢有拎到嘢。”我望咗佢一眼，就低頭不語。“算喇，你哋快啲派嘢。”  我哋就好快咁派晒啲嘢，終於坐得翻埋位。“阿羽，啱啱多謝你吖。”等咗一陣，“唔洗，講事實啫。”
又dead air…一定要揾啲嘢講，唔係點捱一年！第一招就係問星座！“係喎，你咩星座㗎？”“雙子。”又係咁cool，不過都係要接落去。“我個朋友都係喎！不過佢就好多嘢講。”阿羽望咗我一眼就話“咁你呢！”“雙魚。好細心㗎我！”佢望咗陣“係就唔會咁耐都唔知你透bar。”佢講咩吖，我就望下自己。“……”“放心，得我知。”
  阿羽攞咗佢件冷衫比我，“著住佢喇，白痴！”“唔該晒…”我一直都係低頭，唔敢望佢。原來我飲水嗰陣整到。好羞怪吖！“下次唔好著肉色喇，好老土。”我紅都面晒，好自然咁答“關你咩事喎！”“好關，你坐我隔離。”我唔敢駁，話晒係佢提我。
“小息喇！各位同學記得聽日帶$10，影學生相。”黃sir咁就走咗。終於唔再對住阿羽。“我哋上堂傾唔到計喇。”“咪係囉！阿敏你坐到咁遠。其實你睇唔睇到黑板㗎？”阿琪用一個鄙視嘅眼神望我。“我夠高㗎，唔好睇小我！”
  之後我就追住佢哋嚟打，直至去到小食部。“做班長喎，覺得點吖？”“慘囉…”“咁又慘啲嘅，梁楚羽又唔係靚仔！”阿情一副同意嘅樣，梗係要為佢講下好話“咩吖，唔好咁話人喇。比起你哋追求者就梗係唔靚仔。”“咦～阿敏做咩幫人講好話吖？”“我邊有吖！到你喇”買完嘢之後就翻去班房。
班房喺四樓就慢慢行。“阿敏，點解你著冷衫嘅？你平時都唔著㗎。”“係喎，今朝見你都冇”，……點答好。我咩都冇講，“快啲喇，個訓導就到”好彩係而個時候打鐘。
  之後嗰個班主任課都平安冇事。放學嗰陣，“我洗完比翻你吖。”“好！”“聽日見，”阿羽只係揮手，頭都冇轉就走咗。“喂！做咩眼金金咁望住人？”係阿琪“你嚇死我吖。”“嘻！今日我哋去食牛二！”“又食。唔好喇掛！”“冇所謂喇，聽日阿琪你話食就食咩！”“好！”