《男神同我拍拖？》: 第三章

“慢慢食喇！冇人同你爭。”“＆*%※”“食完先講嘢。”“阿敏你唔好咁縱佢。”阿琪有啲不滿，我就夾埋比佢“係喇，快啲食。”阿琪冇咁黑面，我都知佢呷醋㗎喇。又有一碟牛係枱面，阿情又嚟。一食牛，佢就發晒癲咁。唔係講笑，佢一個人食十三碟牛！“阿情，你男朋友知唔知你咁大食。”阿琪終於認唔住問。“唔知喎！同佢出街都唔會食牛嘅。”“咁都好啲。”我哋都放心晒。 食完嘢就梗係行街喇！女仔行嘅咪又係嗰啲。格仔鋪、精品店、GXP嗰啲。“係喎！我哋去影貼紙相囉。”“見阿敏你咁想就去喇！”阿情拉住我哋行。
“今次我哋就用鬆弛熊機！”我同阿琪都好鐘意隻嘢，佢鐘意白色嗰隻，我就鐘意啡色嗰隻。揀好部機，諗好pose就影。一份三姊妹嘅貼紙相就誕生咗。中學點都要影下嘅！回憶嚟㗎嘛！ “阿敏、阿琪，遲啲我老豆阿媽同細佬妹去旅行。你哋嚟我屋企瞓幾日吖！”“好，你驚黑吖？”阿琪用一種挑逗嘅語氣講，“唔係囉！係我哋冇試過三個一齊瞓。”“不如，我哋著住公仔衫開睡衣party ！”佢哋靜咗，之後忍笑“阿敏，都估到你㗎喇！快啲上淘寶買。”我就係淘寶訂咗三套。 “我翻去喇！唔洗送我。”上到車，企係到。點解唔坐？博出位咩，我唔想做網絡紅人！突然有個人拍我膊頭，原來係阿羽。“咁啱嘅？”“唔係。”點解佢成日都講啲我唔明嘅嘢。
“咁夜先翻屋企！”“五點咋喎，個天仲光㗎！”可能阿羽冇諗過我會駁佢嘴，佢呆咗。“喂！”“總之夜喇。”“你又咁夜？”我忍唔住，要窒翻佢。“我係男。”我都費時同佢講嘢。佢都好識做唔講嘢。
    食完飯沖完澡就梗係傾電話喇！無非都係嗰啲嘢，是非、男仔、邊到影相靚。“都唔知點解係黃sir做班主任！”“咪係囉！對住佢一年真係想死。”“係喎，你哋有冇聽講過…”“林奕敏，你唔好講鬼故吖！打死你！”阿情好驚啲靈異嘢。 我就將黃sir喺之前嘅中學非禮女學生同偷拍裙底，講出嚟。我去art room執嘢嗰陣聽啲師兄姐聽。件事上埋新聞！點解佢仲做到老師呢，因為佢係校長嗰親威！ “咁我哋要小心啲先得。”“阿琪，你同我怕咩。你個男朋友係籃球隊長，我嗰個就係跆拳道黑帶！係阿敏要小心啲。”“阿敏！快啲揾翻個男朋友。我哋介紹比你識！”“唔洗喇，我又唔係啲咩靚女。而且都唔會有男仔鐘意我嗰類！” 佢哋靜咗，阿情開囗“得你唔知你連續兩年都係（最想同佢拍拖嘅女仔）啫。”咩嚟㗎，又係啲咩選舉。“點解我唔知！”“梗係喇，你都冇上過學校嗰論壇！”