《男神同我拍拖？》: 第一章

第一日翻學 
“冇人嘅，八點二喇喎！” 
“梗係喇！話晒都第一日，個個都執到靚一靚先翻學喇。”係一把充滿磁性嘅聲。
我轉頭望過去，係一個男仔。
“喂！你叫咩名吖？”
“我…我叫林奕敏”我嗰陣好驚，因為係第一次有男仔問我嗰名，而且佢係我鐘意嗰類。
“叫我阿羽”
“吓？”
“吓咩！總之就咁叫”
“哦”啲同學都陸陸續續咁翻到。我兩個妹都翻到。我哋三個係因為由小學識到而家，所以就稱為姊妹。高嗰個叫阿琪，矮就叫阿情。




“家姐，你做咗中文未啊？借嚟參考下！”，我二話不說就比咗佢。“都叫你唔好成日打機㗎喇，又唔做功課！”“嘻！有家姐洗乜做喎”佢對住我笑，真係好甜㗎。
唔係我講笑，佢一個笑容迷死唔少男同學。佢啲追求者數都數唔晒。
另外嗰個妹？佢嘅身材真係呢，睇見都流口水。邊個話女就唔可以睇女㗎！我哋三個成日一齊，乜都睇過晒喇。我？喺兩位靚女隔離仲想點，都有啲潛移默化嘅。只係可愛囉。佢哋兩個成日都摸住我塊面講“你真係好得意，唔準離開我哋！”“好喇喎，唔好咁大力喎！”
佢哋就梗係放手喇，費時我唔再比佢哋整吖嘛。鐘聲響起，班主任亦都入咗嚟。“我係黃sir。係你哋嘅班主任，亦都係數學老師！”個個都唔敢講嘢。梗係喇，訓導主任係佢吖嘛！嗰年我係到諗，我做錯咩。點解咁黑仔。“好！我已經整好咗個座位表。大家跟住嚟坐，三分內坐好！要坐一年，冇得上訴。”心諗＜頂你咩，同個唔熟嘅人坐點好＞就梗係冇人敢反對喇。個個都衝出去，我就梗係睇唔到喇。得嗰155，個個遮住晒。“唔洗望喇，你同我一齊坐。”
邊個講梗嘢？抬頭望，係阿羽。“……真…真㗎？”佢行咗過去窗口嗰行坐底，咁我就梗係行喇。“乜你唔係唔信㗎咩！”“er…”真係好尷尬㗎之後做咩？例行班務囉！咪又係選班長、科長、班會嗰啲。今次有啲唔同嘅，咪就係我唔阿羽一齊做班長囉！“多多指教喎。”“多…多指教”當然，選完就梗係去攞通告、手冊喇。去到印務房，阿羽就拎咗手冊同一大撘嘅通告。“咁我拎咩吖？”佢望咗右手邊一眼，係小冊子。“咁少點得㗎，你分啲嘢比我。”阿羽冇理到我就走咗去，我就拎埋份嘢追佢喇。