我每星期都會去摩星嶺同佢啪啪啪: 三十一

【上文提及】
搞左咁耐，我總算成功完成自己嘅任務，安全離開Dream Zone。我諗住同Alex一齊去救左Aurona先，但係佢就不斷搵藉口趕我走。
文：「乜你真係咁想我走咩？定係⋯⋯你有嘢瞞住我唔想俾我知所以就瘋狂搵藉口叫我走呀？」
⋯⋯

【我每星期都會去摩星嶺同佢啪啪啪 - 三十一】
我講完之後，Alex塊面仲黑過個黑面月亮emoji，差啲連佢啲眼耳口鼻都睇唔到。
文：「講下笑姐，唔洗咁認真喎！俾其他人見到你塊西面會以為我殺死你老竇老母㗎！」
我一路講撘隻手上Alex膊頭以示友好，但係佢竟然用力撥開我。
文：「咁認真做咩？OK我錯囉！如果我冇估錯嘅話你都唔想我做電燈膽阻住你同Aurona，我知㗎，不過諗住同你挽下姐，點知你咁唔挽得。」


聽完我咁講之後，Alex依然係唔出聲。我放低左Aurona嘅血種，跟住就自己離開左摩星嶺，小心翼翼咁帶住剩低嘅血種返屋企。

可能係精神長期處於緊張嘅狀態，返到屋企一放鬆左之後就好攰好眼訓，喺呢一刻，我已經唔理換左衫沖左涼未，就咁扒左喺張梳化上面就瞓左⋯⋯

文：「哇屌！我個patpat……好痛！」
我痛醒之後就見到自己喺草叢入面，而且Kenson同傻仔西就訓左喺我隔離。雖然唔知我地三個會喺度，不過趁佢地仲未醒，我決定快啲幫佢地打左血種先。我喺個袋度攞返啲血種出嚟嘅時候，竟然俾我搵到支針筒。雖然我都覺得有啲奇怪，明明尋晚我好似冇執過袋就訓左，而且屋企都唔會有針筒，咁點解我個袋入面⋯⋯算啦，而家唔係諗呢啲嘢嘅時候，我幫佢地打完針之後就叫醒佢地⋯⋯

西：「頂！點解我地三個會一齊訓㗎？唔通我地尋晚3P？」
Kenson：「妖！你可唔可以on9小陣呀？白痴！」
西：「講下笑姐唔洗咁認真喎！咁而家點算呀？究竟呢度係咩地方嚟㗎？」


文：「睇呢度嘅地勢都有啲斜，我地應該喺山上面，只要向下行應該會好啲。」
Kenson：「我都贊成，咁我地而家慢慢行落山啦！」

於是，我地三個就一邊吹水一邊落山。行左一段路之後，我地就入左個樹林，一個一個跟著嗰條俾行山客硬爆出嚟嘅泥路繼續落山⋯⋯

文：「喂！前面嗰兩條仆街行慢啲啦！」
我同Kenson、傻仔西佢地嘅距離越嚟越遠，但係佢地好似完全冇停低等我嘅跡象，直到最後，佢地完全消失喺我嘅視線範圍之內⋯⋯

點解呢個情境好似似曾相識咁⋯⋯



我繼續向前行，直到見到一大片空地同嗰座廢堡先停下腳步。呢度⋯⋯係摩星嶺！

本來我都有小小擔心同疑惑，但係當我見到Alex同Aurona企左喺廢堡入口隔離吹緊水嘅時候，我即刻變得好興奮—Aurona冇死到呀！

我行過去諗住同佢地傾幾句，但係當我聽到佢地嘅對話嘅時候，我就決定企埋一邊偷聽佢地講嘢。

Aurona：「下？你咁講即係阿文嘅血種喺DNC度？」
Alex：「係！」
Aurona：「咁點解佢之前喺Dream Zone俾鬼攞走血種嘅時候你唔提佢？」
Alex：「提佢？你唔好忘記咁耐以嚟佢做過啲咩！佢而家面對嘅一切都係報應！等左咁耐終於有機會可以親眼睇住佢死，你要我救返佢？冇可能！」
Aurona：「你咁做同阿文有乜分別？我唔可以睇住你變成下一個阿文⋯⋯」