10年了你還想著我嗎？: 第七章

經過上次同思思既承諾，我諗左好耐我好難可以退落黎，應該係講冇可能退落黎，我都有同所謂「大佬」傾過佢話如果我走就搵人搞死我，仲有一個條件，當時佢陰陰濕濕咁講諗到都驚：「又或者擺低10萬。」我邊有咁多錢呀，當時都心諗冇望。

我好嬲自己乜都做唔到，而呢10萬蚊我可以搵到但要做既事係犯法既，但係如果我衰左就咩都冇，呢10萬蚊現錢係係以前識既一個fd佢話佢可以幫到我，但我要做一件事「殺人」其實我連拎起刀既勇氣都冇但係我個一刻諗到既就係去啦，去左就自由架啦。

第二日返學，呢個任務係星期五姐係聽日，我好緊張而佢兩個都知我有咩事架啦，阿萬問我：「有咩唔怕講幫到實幫？」我冇答到因爲我唔敢講，而阿雨就問：「係咪唔當我地係兄弟先。」我返到黎都一直保持以前既形象佢地都冇問我咁多，我一直都冇同佢地坦白我諗今係機會。

小息我佢地跟埋我去左學校花園傾，我一五一十咁同佢地講曬，而佢地比我既回答出乎意料，兩個同時講：「我地一早知啦！」有時真係以為佢地係雙胞胎，佢地清楚我要做既事都知佢地幫唔到手，但佢地同我講左瑋句：「有咩緊要事，自己執生。」我答：「明架啦在心中啦。」就咁就完左一日啦。

仆街，都唔記得問佢地係邊個講，算啦，早D訓啦聽日有野做呀。