10年了你還想著我嗎？: 第八章

今日係好「重要」既日子，佢比左張相同把好利既刀我，今日我冇返去因爲2:00就要出發，我要日光日白殺一個人，雖然有人其他人同我一齊，但我未出發已經一直責備緊自己，我好驚呢次係我最後一次既自由。。

我攞曬所有野1:00就出左門，而當我行出大廈門口既時候我好驚訝，我見到思思，佢就出現係我眼前而且流曬眼淚，我問佢：「點解你係到既。。你唔係返學咩？」佢喊住咁講：「佢地兩個同我講曬啦，我知10萬真係一個好大既數目黎，連我都幫唔到你。。呢次可能係我地最後一次見面啦。」佢好似第一次咁輕輕打左我一下，我個一刻冇諗咁多就攬住佢，係佢耳邊講：「我冇事，我一定會返黎，等我！」我放開左佢就出發左，頭也不回好似浪子，但其實只係唔想比佢見到我個滴眼淚。

今次地點係旺角，我心諗人多車多你叫我殺人，擺到明要我比人拉姐，算啦，都係搵埋其他人，到左之後原來都唔少人喎，就連華仔都係到，講到華仔自從佢比人退左學都冇再見過佢，佢笑住講：「聰哥仔，咁耐冇見你都等錢洗？」，我冇答佢，只係講左句：「做野啦，一陣再講。」

原來個地點並唔係旺角，係旺角只係為左比天眼影到方便逃生，跟住我地就上左一架黑箱車，咁意味我要係人奔喪既時候殺人？到達目的地，帶頭既人叫我地等陣等到個男人出現就隊死佢，咁等我地燒完車就散，逃生路線就你地自己諗，佢再三叮囑千祈千祈唔好比鏡頭影到，影到就真係咩都冇。

我地等左好耐一直都未有人上車，個個都好驚係咪已經比警察包圍左，再過左5分鐘終於有人，係一個30幾歲成身紋身既阿叔，我覺得佢好眼熟，似曾相識咁，我地開門比佢上左黎，而下一秒佢就比人捅左第一刀呢勁刀並冇殺死佢，更令到佢發曬癲，佢好大力差D就一個打我地咁多個，咁始終我地人多最後佢都逃唔過劫，我地掟返佢落車跟住就去燒曬所有野，而逃生方面我就選擇換左件衫直接走，連書包都燒埋。





順利咁返到屋企，我沖涼既時候諗左好多，係離開既時候我見到佢既屋企人全部沖曬出黎攬住，仲要有個小朋友冇左老豆，而佢就好似我細個咁，我好內疚究竟我點解要咁做？點解要呀？我喊左出黎我好自責，個一晚我冇訓過，當我諗返起場境我就會好想同佢屋企人道歉，但又有咩用。