10年了你還想著我嗎？: 第六章-那一天

今日返到學校終於見到阿聰真係諗到都開心死啦，跟住落黎日日都可以見到佢，雖然宜家唔係得佢一個陪我傾計啦，但我覺得我有佢就夠啦。

好快就到第二日，媽：「思你今日咁早既，我煮左早餐呀過黎食。」今日早左起身可以食媽子既愛心早餐見到都流曬口水：「點解今日煮埋我既，平時都唔會架？」媽子答我：「咁我聽到琴日老公講話唔車你返去，住左黎呢到返你學校又遠咁你一定早起身所以咪煮埋你囉。」我阿媽真係好勁咩都睇穿曬，換完衫就準備返學。

突然媽子問左句：「搬到咁遠都唔轉校既，上次仲幫叫我地幫個兩個男仔，係學校有中意既人？」我面都紅曬，就同佢講：「我返去啦。」就急急腳出左門口，搬完屋後返學真係幾遠下如果冇老豆車真係好鬼累，但可以見到阿聰咩都抵返曬啦。

返到學校，我周圍搵阿聰但因為一直比人圍住我都冇辦法搵到佢，放學佢又一陣風咁走左去，呢個狀態維持左半年，係有時候見到會say 個hi 但佢真係相比以前唔同好多。而我都仲係好鐘意佢。

直到有一日，我見到一啲唔想見到既野，係阿聰佢攞左包粉出黎比個同學，我未見過真野但廣告都見過啦，我等個同學走左我行左過去，佢問：「咁岩既陳同學。。」我冇等佢講完我一巴打左埋去，「點解你要咁做呀阿聰，唔好再自甘墮落啦好冇呀你。」我講完就走左去，佢再一次捉住我，而今次佢攬住左我講：「仲以為你唔再中意我。」佢都喊埋，係我地攬埋一齊喊左成堂，我應承左只要佢肯改好我就會做佢女朋友，希望真係咁啦。





但就算我咁講其實我已經當左佢係我男朋友啦哈。