10年了你還想著我嗎？: 第五章

呢一日終於到啦，9月1號眨下眼就到，我好緊張因爲我已經離開校園都有半年啦，但因為老師知道我有悔改佢都比我升左班，但都係係D班冇同到思思同班，我出門口個陣再3檢查自己有冇頭髮仲係金色有冇帶銀包，真係好緊張仲緊張過岩岩開學呀！

到左學校，望住學校校門我覺得好高真係冇諗過自己會再返黎呢到，我一入學校門口見到一堆人圍住唔知咩咁我就埋去湊下熱鬧，有個女仔好靚，比一埋男仔圍住好不知所措，我一開始都唔知佢係邊個，直到聽到有人大叫：「可唔可以比你電話我呀陳敏思！」

而呢個名正正係思思，因為得我一個人會咁叫佢所以個個都叫佢全名，而我知道我根本唔洗同佢地搶因爲我一早就有啦，所以我就先行一步，思思突然大叫：「阿聰！」我都比佢嚇親，佢行埋黎講：「你終於肯返學啦。」而我見到唔係佢可愛既笑容而係係佢後面一對又一對仇視既目光，我見唔對路就笑住答左佢一句：「係呀。」就行走左，我先知已經太遲。

佢真係變得太靚啦仲邊中意我呢種mk傻仔，突然我聽到兩把好熟悉既聲音講：「聰哥仔，肯返學啦咩。」係阿威同阿雨我好感動三兄弟聚埋一齊，我即刻問佢地點解返曬黎佢地異口同聲：「有人幫囉！」我開始唔明佢地講咩哈哈。

呢一日可能係我最開心既一日，但我係另一方面已經陷得太深，我唔知點同佢地解釋驚會冇朋友做，而我今次讀返書亦有「大佬」比既任務。。就係「校園販毒」，我真係好對唔住任何人但為左錢我咩都可以做。