10年了你還想著我嗎？: 第四章

思思突然出現嚇到我心都離一離，我問佢：「你點解係到。」佢答我：「之前我放學都有偷偷跟住你睇下你去邊，直到宜家我真係忍無可忍。」佢個樣嬲到面都紅曬，我問佢：「你中意我呀做咩跟住我？」。

佢冇答我，我繼續講：「我洗撚你理呀，我做乜都唔關你事。」佢喊左，呢次係我第一次整到女仔喊，我好內疚，思思細細力打左我心口一下講左句：「你之前唔係咁架。。」講完佢就起步想走。

我見到佢走既背影，我覺得我好傻一個女仔咁樣仲唔係擺到明中意你，點解我要做呢D咁既事趕走佢，我想追上去但我隻腳唔受我控制，我諗返起阿萬比人打個一幕，個陣我咩都做唔到但宜家我可以做到，我講左句：「屌，唔撚理，追。」

追到上去，我幫佢抺走左眼淚，佢問我：「點解要追上黎，我唔想再見到咁樣既你。」我好脆弱我真係諗過要走，佢繼續講：「係可能我係中意你，而且中意左好耐，因為我係學校根本冇人同我講野，而你一直都會陪住我，冇左你我又變返自己一個，可能我真係好自私啦。」

我好想同佢講我都唔想架，但我咩都講唔出我只可以摸住佢頭諗，「點解我會變到咁？咁做又係為左咩？」最後我地冇講過任何野企左係同一個位半個鐘，佢喊完後同我講：「宜家既你我唔會同你拍拖，我想你變返以前咁就算冇辦法係d班升返上a班都想你會返返學。」
而我笑住同佢講：「你變靚女先講。」就跑返去機鋪。





就係咁我同佢既故事開始左。