10年了你還想著我嗎？: 第一章：改變

今日係開學既第一日，我同阿萬、阿雨一齊返學我地三個同一間小學都可以話係兄弟我就一直都有條刺覺得自己唔夠地好，一直都想鬥贏佢地，但始終我都知道我地係朋友係兄弟唔係敵人。

就係咁我既中學生涯就開始左，我第一年係1A班既咁我地學校就好奇怪唔知點解中1係5樓架喎，我就同阿萬、阿雨講：「屌，咁奇怪既小學都係由低行上高既真係未試過愈行愈低。」阿萬搶住答：「屌你個垃圾識鬼咩咁先正慢慢享受。」阿雨就話：「攞小學同中學比發燒呀你？？」咁我聽佢咁講都冇去反駁啦，唯有黑起塊面返班房。

一開學最開心緊係揀位坐啦，成班小學雞一到班房，係到爭地盤個個都想同自己fd坐埋一齊而我地都唔例外啦，即刻諗都唔洗諗合體先，最後我同阿萬係最後排搶到個二人位而阿雨就慘D同個唔知有冇70Kg既肥婆坐。

即刻每一日都恥笑佢啦，就係咁就好平平常常，三個傻棍過左半年，而我地各自考試成績都維持到咁就已經夠，同佢地一齊平平淡淡咁過已經好足夠，但事與願違，阿雨因爲屋企人搬屋好難再係呢到讀書而阿萬亦唔知發生左咩事經常唔返學返到黎都只係訓覺，我問佢做咩佢都唔答我，我好擔心。

直到個一日，我一如既往返學因爲認識既朋友唔多就連阿萬、阿雨都唔係到所以我就自己一個坐做功課、溫書，我地班有一個自稱三合會既好同學，唔知佢真定假但佢又矮又毒好難想像到同黑社會有關係，而係阿萬、阿雨唔係到既時間佢成為我攝時間既對像，佢叫華仔但唔係劉德華，就係佢令我改變。





放學後我通常會返屋企陪阿媽同做功課，我屋企都幾大係我老豆留比我地既野，原先我仲有個細妹佢冇我咁好彩佢係同我老豆係一次赴宴既時候撞車而死，個時佢得5歲而我得個7歲好難接受到突然冇左兩個屋企人，我崩潰到一個點，但最後係阿萬、阿雨拉返我出黎，簡單黎講係佢地救左我，而宜家咩野都變曬。。