10年了你還想著我嗎？: 第二章：思思

講到呢到，大家一定好奇思思係邊個，「佢成績咁好我地唔係同班咩?」，係的確我地係同班，佢form 1既時候係一個完全冇人留意唔受歡迎既人，所謂女神都未稱得上，佢係一個好普通既女仔，可能因為佢頭髮遮眼條裙又長又唔識打扮根本冇人留意到佢。

而係一次放學佢夾起左佢既頭髮，我先發覺佢原來係咁靚好pure好true 眼大大而且冇黑眼圈冇眼袋再加上上皮膚極好白雪雪，我當時睇到都呆左一個咁平常既女仔竟然可以咁靚，而佢最後留意到我望佢急急腳走左。

放學之後，我一直冇辦法忘懷佢個樣因爲真係好靚，可以稱得上係女神，我自個時開始就已經迷上左佢，但呢件事同我既目標平平淡淡過日子相差太遠所以我都冇塊追求第多，只係作為同學同朋友去同佢傾下偈笑下。

我既改變係由中一下學期測驗後開始，華仔有時會同我出下街玩下周圍行下，有一日我放學後做做下功課華仔wts 同我講：「有急事，快出黎。」，我冇理咁多就出左去因爲始終都係半個朋友，而我去到既時候，我終於知點解阿萬成日唔返學，我見到既係阿萬同佢阿媽係到擺檔做小販。突然有幾個大隻佬行埋去搞破壞收坨地，阿萬唔肯比，比人打左一身，而我咩都做唔到只可以係一邊睇。

個次好難忘，我眼見自己兄弟比人打我好想幫手但我好驚，我連過去扶起佢都做唔到，就因為我怕比人打埋一份，只可以默默咁同華仔走，經過呢次我先知權力係幾重要原來單單開心係唔夠架，我想有力量去保護身邊既人呀。





而呢一刻我對華仔講左：「我想幾成強者。」跟住佢帶我去見左一個人而呢個人令我變成一個死mk。