10年了你還想著我嗎？: 序章

我叫阿聰今年26歲啦，短短10年過去好多事都隨著時間流逝、改變，而我終究係一個mk仔冇去諗過改變，呢樣係我最大既不甘，我只可以怪我自己係出現既時候唔識珍惜。

仲記得10年前既我比較早熟早就已經行遍香港無人不曉，當時因細個個阿媽一個人養大我我生活又困難，做犯法既野搵錢係最快而且最輕鬆既方法，諗都諗唔到小學生生性性勤奮讀書中學入讀名校既一個男仔短短一年變到無惡不作，砍人、淋紅油咩都做齊，自問自己樣貌平平唔係任何人既焦點，遇到佢係我一生既最好既回憶。

佢係一個女神，係學校個個都崇拜佢，而我作為一個mk仔當然只可遠觀啦睇見一個又一個男仔送一堆禮物比佢就會心諗：「狗公多到呢」而我就靜靜係遠方欣賞佢。佢叫思思，學校個個都叫佢女神思呀、dream girl思個類難聽名，老實講真係令到女神不再女神聽到呢類名，佢同我相比係天淵之別佢讀A班我讀D班，我考尾佢考頭莫講話睇上我就連望我一眼都唔會啦我當時係咁諗。
我都唔記得左介紹我間學校，我學校叫仁華書院係深水埗當時係中學黎講都叫top個幾間，肯定有人問mK都讀到肯定唔好得去邊，但我想同講呢句既人講，「屌，我中學係姐，小學唔通識染頭講粗口做mk咩」自問小學成績好先編到黎呢間中學，點知時勢迫人先做左個不折不扣既mk仔，我淨係可以暗嘆一句「名校咪又係咁」。

廢話唔多講開始我既學校生涯，我第一日係呢間學校已經比兩個on9仔煩住曬，如果我個陣好似宜家咁真係會打死佢，個陣我一入學兩隻野好似雙胞胎咁一人一句係到講「會唔會有靚女呢」「終於中學啦」 「媽我大個仔啦」呢兩隻野叫阿萬同阿雨我就同佢地唔同我讀書叻而一個就運動叻一個就個樣真係男神級成績都中中上上，我呢就唔似佢地啦我，小學岩岩完就有咁多計劃。

我得一個目標平平淡淡咁過左呢個中學生涯就夠，但世事又點會咁易比我料到。。