《聽說她是一隻Hell雞……》: 第十九節

星期六當晚，我收到佢嘅Message：「Jack Jack，你部Notebook有冇Microsoft？」
 
「有，做咩？」
 
「我有份功課未做，可唔可以嚟你房借你部電腦做咗先？」
 
吓？嚟我房咁刺激？雖然我心入面係諗歪咗，但都係講咗句：「好呀，要做幾耐倒？」
 
「要俾我專心先得Okay？」Candy咁樣覆我。即係點？
 


「Okay呀。」我唔知頭唔知路咁應承咗佢。
 
「我都唔知。一至兩個鐘。」佢答返我上面條問題。
 
「但我唔知你幾時嚟，幾點起身好？」
 
「我做功課你先去整嘢咪得。」
 
「又得喎。」我知Candy所講嘅「整嘢」即係沖涼換衫Gel頭。
 


「我聽日俾個驚喜你。」
 
「咩驚喜？」
 
「聽日你咪知！今晚早啲瞓呀。」
 
「Okay，拜。」
 
就係咁，佢聽日就會嚟我房做功課，然後再一齊去海洋公園Halloween。
 


光陰似箭、日月如梳，好快就到咗星期日嘅早上。
 
我俾Candy打嚟嘅電話嘈醒咗：「喂！起身嘞！我俾五分鐘你執嘢，五分鐘後我到你房門口。」
 
哇屌！呢個驚喜真係好撚驚喜！