《聽說她是一隻Hell雞……》: 第十四節

我Click入佢個人資料度睇，見到「出生日期：10月14日」、「性別：女性」、「戀愛性向：男性」、「感情狀況：單身」、「宗教觀：基督教」……咩話？基督教？即係耶青？
 
我跟手Whatsapp咗Kevin：「我拎咗佢Facebook，原來佢信教！點可能會係Hall雞呀！哈哈哈！」
 
過咗一陣，Kevin就覆咗一大段嘢俾我：「細路，你識條春咩！呢啲叫做Selling-point！點解學生妹、空姐、女警果類AV咁受廣大咸濕仔歡迎？因為有暇想囉戇鳩！你平時邊扑到呢啲女？是咪！眾所周知，耶青係唔可以喺婚前發生性行為㗎啦，但如果你俾錢就可以扑到一個耶青，How successful you are！你破壞咗基督教咁多年嚟嘅宗教價值！催毁咗全世界咁多耶青嘅堅定信仰！你唔單止係攻破咗呢隻Hall雞嘅防線，你更加係親手毁滅咗成個基督教，Do you understand？」
 
聽完佢咁講，我又覺得有啲道理，始終依家搵食艱難，冇返啲所謂「Selling-point」，又點喺Hall雞界入面立足？
 
我再掃一掃Candy個Facebook，發覺佢好友數目睇唔到不特止，仲要冇共同朋友，Wall入面嘅內容更加少得可憐，多數只係見到一個叫「Mandy」嘅女仔喺入面留言。至於啲相，更加係少之有少，我睇到嘅只有佢Facebook果張自拍Profile photo，到底……Candy係咩人？
 




既然佢Facebook冇嘢睇，咁我都無謂再三留意。
 
果日我一整日都喺房上高登，直到夜晚，我又收到一個Message……