[有沙入眼]是咁的，我覺得我住嗰度有啲唔妥: 200阿哥陪住你
啲人話兄弟姊妹之間心靈相通，可能係真都唔定，起碼我同月曦喺聽完鬼故之後，都同樣感受到恐懼嘅刺激同魅力。
由嗰陣開始，我地兩個就成日用空閒時間去圖書館搵恐怖故事嚟睇。
中央圖書館距離例得村好近，要去借書好方便。圖書館嘅書架，就好似放住免費鑽石嘅寶箱，而借書就好似任拎鑽石翻屋企咁，感覺好爽。我同月曦夜晚嘅娛樂，亦由打乒乓波轉為睇鬼故。
我地會一齊訓喺床度，冚住被，挨喺床頭睇到十二點幾，阿婆熄燈為止。
「阿哥，我好驚呀。」其實佢唔係真係驚，但佢話，好鍾意聽我點樣回應佢。
「唔駛驚，阿哥陪住你。」