[有沙入眼]是咁的，我覺得我住嗰度有啲唔妥: 199共享
我諗佢點都估唔到，依個嚇人鬼故事，為自己個孫嘅夢想得以萌牙提供咗必要嘅養分。
人生第一次接觸鬼故，除咗驚之外，我竟然有種難以用言語描述嘅興奮。要比喻的話，就好似玩過山車，由高峰衝落谷底之後嘅餘韻。
好⋯⋯刺激⋯⋯
我聽完個故事，因為沉浸喺驚嚇故事嘅震撼之中而發呆，但阿婆好似誤以為我係嚇呆咗。
「又唔駛咁驚嘅，你唔去亂搞啲神怪野，佢地就唔會搞你架喇。」
我望一望月曦，佢都望一望我，我由佢嘅眼神之中感受到一種好奇同興奮，就好似我地嘅感覺共鳴緊咁樣。
啲人話兄弟姊妹之間心靈相通，可能係真都唔定，起碼我同月曦喺聽完鬼故之後，都同樣感受到恐懼嘅刺激同魅力。
兩個人共享同一種感覺嘅嗰一瞬間，嗰種奇妙，我一世都記得。