[有沙入眼]是咁的，我覺得我住嗰度有啲唔妥: 198原意
而阿婆往往狠唔到心夾硬的我地翻入屋，所以苦差次次都由阿公負責。
「邊個仲唔翻屋企？磨利刀磨利刀⋯⋯」我同月曦都好怕畀阿公擠，所以一聽到磨利刀，見阿公出嚟要捉我地行刑，就會快快脆脆跑翻屋企。
有時走唔甩，會畀阿公捉住。
「磨利刀磨利刀⋯⋯剁剁剁剁剁。」然後就會被阿公擠格甩底搞到狂笑。
「仲敢唔敢玩到咁夜？」
一邊笑到就斷氣咁款，一邊答唔敢，但第日又會玩到唔捨得翻屋企，阿公唯有再嚟捉過我地。
後嚟阿婆諗咗個方法，其實都幾屎橋，就係講鬼故嚟嚇我同月曦。
佢話例得村以前夜晚會有著紅衫嘅女人喺走廊一路揈頭一路跑，有個人開氣窗望過，然後就死於非命。
阿婆講依個鬼故嘅原意，可能係以為咁樣嚇吓我地，我同細妹就唔敢晚晚玩得太夜唔翻入屋。