[有沙入眼]是咁的，我覺得我住嗰度有啲唔妥: 191第三人
「喂，你話啲片會存喺主機記憶體入面，咁如果記憶體容量唔夠、就爆、爆咗咁點？」
依片海洋係主系統儲存記錄嘅地方⋯⋯
「你電腦記憶體就爆會點丫？」
儲存空間表示出九十九⋯⋯記憶體爆滿就會放出死魂⋯⋯
「你要把握時間，系統嘅記憶體過咗咁多年已經所淨無幾，趁佢強制清除你嘅意識之前，你要完成你想做嘅野呀！」
「月曦，我地無時間。」
「吓？你講咩？」
「依度係遊戲系統儲存記憶嘅地方，個數字講緊系統嘅記憶體已經用咗百份之九十九。」我加快腳步行過去，月曦都跟咗上嚟。
「用哂會點？」
「系統會清空，我地之前淨化嘅努力都會白費，繼續留喺依度輪迴，無辦法翻去現實世界。」
月曦有少少錯愕，但我無理，繼續行去祭檀。
祭檀上嘅大貝殼表面顯示住一個投影螢幕。
「在線人數：三。」