[有沙入眼]是咁的，我覺得我住嗰度有啲唔妥: 190九十九
愈游愈落，唔知游咗幾耐，終於見到海底。
海底由大量貝殼、蠔殼同蚌等等嘅貝類鋪砌而成。佢地嘅殼上面同樣流轉緊玩家嘅恐怖體驗。
我同月曦小心咁降落喺貝殼上面，然後就見到由貝類砌成嘅長路盡頭有一個平台。平台上設置咗祭檀，放住一隻好大嘅蚌，有珍珠嗰種。
而祭檀後面係一塊直立而巨大嘅珊瑚壁，上面五顏六色嘅珊瑚之間，生長咗奇怪嘅海葵。
雖然個畫面好靚，但係上面嘅海葵隨海水流動而搖擺嘅時候，一個令我有不詳預感嘅數字約隱約現。
「99」。
「九十九？咩意思？」月曦皺眉，唔係問我，而係自言自語。
同吳非凡嘅對話令我理解到依兩個字嘅意思。