[有沙入眼]是咁的，我覺得我住嗰度有啲唔妥: 189向下

「我知吖。放手！」佢掙扎，但係我更加用力捉實佢。

「依度始終係一個我地唔熟悉嘅世界，兩個人點都會安全啲。就算兩個陌生人喺咁嘅環境相遇，都應該一齊行動。」

月曦嘅表情好唔順氣，但都決定同我向下游。

「唔好捉住我隻手。」

我將佢拉過嚟。

「哇！」一條搥頭鯊喺佢身邊游過。

「唔係我拉住你，就撞到架喇。」

月曦哼一聲：「撞到咪撞到囉！放手。」

我依佢嘅命令放開佢，心入面嘆咗口氣，然後開始向下方游。