[有沙入眼]是咁的，我覺得我住嗰度有啲唔妥: 185窗戶
口水滑落喉嚨。淨化⋯⋯要淨化⋯⋯但係用咩記憶嚟淨化呢？
「你好，999報案中心。」噪音不絕於耳，打斷所有思緒。
長髮披面，一身白衣嘅怨靈出現。轉眼間，佢已經開始喺電視機入面爬出嚟。
「屌點撚算！」月曦大叫一聲，然後左右望吓，突然一粒聲都唔出就向露台跑過去。
我望向露台，原來係咁，之前嘅體驗入面，我地除咗大門以外根本無出口離開屋企嘅空間。但今次，理應閂埋咗嘅露台窗，竟然打開咗。
即係話除咗大門，我地有一個新嘅方法離開依度。但係邊個開隻窗架呢？
係⋯⋯我？
我記起喇！我記憶中有一次經歷依個體驗嗰陣，我將個不停播放「999報案中心」嘅電話丟過出去！