[有沙入眼]是咁的，我覺得我住嗰度有啲唔妥: 184午夜凶鈴
沙沙沙——
露台嗰邊傳嚟。
沙沙沙——
「月曦！起身！下個恐怖體驗要嚟喇！」我企起身過去扶佢，但佢揈開我隻手。
沙沙沙——
喺露台嘅廁所傳出花灑嘅灑水聲，血腥味敲打嗅覺神經。
我地行出露台，就見到虛掩嘅生鏽鐵門後面，掛喺牆上嘅花灑不停噴血。血水湧出浴室，喺露台嘅地面向我同月曦蔓延過嚟。
雖然已經知道恐怖體驗嘅原型係我地嘅回憶，但喺完全無線索、咩都未記起嘅情況之下，我地仍然無勇氣直接面對恐懼。
「走！」我同月曦跑向大門，但係⋯⋯大門反鎖咗？
「你好，999報案中心。」屋入面嘅電視、電腦、我同月曦嘅手機同時播出相同嘅詭異錄音。
然後，電視開始出現異樣。本來呈現嘅雪花畫面慢慢清晰起嚟，見到一個古井。
「仆街我有唔好嘅預感⋯⋯」電視播緊《午夜凶鈴》，貞子現身嗰幕。