[有沙入眼]是咁的，我覺得我住嗰度有啲唔妥: 175等價交換
「醫生話阿婆可能今晚至聽日⋯⋯就捱唔住⋯⋯你翻嚟啦⋯⋯嗚⋯⋯」
「我今日真係翻唔到⋯⋯但我開埋聽朝個會就會即刻翻嚟。」
「我屌你老母呀！！！！咁咪撚翻啦！！！！」Lucy佢鬧完我就cut咗線。
「會議要再開始了，金先生，請。」
我沈住道氣，再次走入會議室。
我諗起阿公。
如果為咗簽約而離開阿婆，但離開後先發現自己份約簽唔成，咁一切嘅痛苦都只係白費心機。
我唔想放棄留喺阿婆身邊嘅決定變成毫無意義。所以無論如何，都要説服到班有錢佬同我簽約。
唔可以令依份痛苦白費，唔可以令一切崩潰破爛。
咬緊牙關，搏命去推銷自己份計劃書。
最後，合約簽了，阿婆卻死了。
如果你想得到一樣野，就必須付出同等價值嘅代價，依個就係鍊金術嘅基本原則，等價交換。
鋼鍊嘅開場白喺我大腦中響起。