[有沙入眼]是咁的，我覺得我住嗰度有啲唔妥: 176唔駛喇

「我落機喇！阿婆點呀？」

電話另一邊嘅Lucy無出聲。

「我而家飛的過嚟！」

「唔駛喇。」冰冷嘅語句，好似裝上尖錐嘅攪拌機，刺入我胸膛無情咁打轉。

「你話⋯⋯咩話？」

「我話唔駛呀！我一路等你，點解你唔翻嚟！阿婆走咗喇！」手突然無力，手機跌咗落地。

行李輸送帶好似聽唔到依個壞消息，仍然自顧自打圈迴轉。來往嘅行人好似剪影一樣，喺面前出現又消失。

我極力控制自己嘅情緒，以免自己崩潰。