[有沙入眼]是咁的，我覺得我住嗰度有啲唔妥: 174暴力
但係系統並無畀時間我細味依份感動，因為隨住阿婆嘅消失，一陣尖叫聲響徹天際。
「啊啊啊啊啊啊啊！！！！！」Lucy㩒住頭兩側全力尖叫，我嚇咗一跳，即刻跑埋去：「做咩事？」
Lucy面容扭曲，擘到個口好大，痛苦嘅眼淚一路湧出嚟。
「發生咩事？呃⋯⋯」一段記憶猶如暴力咁入侵大腦。
「呃⋯⋯呀呀呀呀呀呀呀呀！！！！！」
記憶，並唔會只係得甜蜜同幸福。雖然我講過好嘅壞嘅，我都想記得翻，但我萬萬估唔到，一份悲傷嘅記憶係咁痛。
「阿哥⋯⋯阿婆而家情況好差⋯⋯你⋯⋯翻嚟好無呀？」時值我去北京嘅第二日下午，喺會議中途嘅休息時間發現手機有幾十個未接來電，我就即刻打翻去。
不詳預感籠罩我嘅眉心。