[有沙入眼]是咁的，我覺得我住嗰度有啲唔妥: 156二零一四年
嗰年我十九歲，大二。Lucy就十六歲啱啱出嚟炒散。嗰陣知道依個消息雖然晴天霹靂，但係阿婆同我都有儲落錢，知道屋企始終仲有舊錢應急，個心都定啲。
我同Lucy心情沈重到成日無出過聲咁滯，反而阿婆就成隻開籠雀咁：「你兩個精神啲啦，阿婆都仲行得走得喎。」
「你唔驚咩？cancer喎⋯⋯」Lucy真係個好眼淺嘅人，又夾硬合埋口忍住唔喊。
「驚咩吖，預咗架啦。」
「預咗？」
阿婆話，依個係家族遺傳，天生容易生cancer。
佢個媽媽同個妹，即係我地太婆同姨婆，都係因為癌症而死。
「我都諗住自己差唔多會有問題架喇，又真係中喎。」
嗰一年，係二零一四年。