[有沙入眼]是咁的，我覺得我住嗰度有啲唔妥: 136機會

我擘大眼，安樂椅「呃呃」作響，電視機播放雪花畫面。感覺自己變成咗一個不倒翁，隨安樂椅嘅搖動前後搖擺不定。

手腳已經斷咗，口腔潰爛，無能力掙扎，無辦法尖叫。痛覺蠶食意志，但我極力抑壓四肢斷面傳嚟嘅灼熱感。

阿婆抱住我坐喺安樂椅上，無表情嘅面容上，兩粒掙大嘅眼珠凝視虛空。

Lucy訓喺床上，胸部有節奏咁起伏，四肢健全，仲未畀阿婆還原成嬰兒狀態。

「啞啞啞⋯⋯啞啞啞！！！！」我用全力向Lucy尖叫，可惜我嘅聲音已經毀壞，只有沙啞而斷續嘅單音。



「做咩呀？係咪肚仔餓？」阿婆將我放喺安樂椅，然後可能覺得張凳搖搖吓唔太安全，就將我擺翻上床。

好機會！