[有沙入眼]是咁的，我覺得我住嗰度有啲唔妥: 135歌歌

阿妹用未醒哂嘅表情望住我，妹吓妹吓個奶嘴。

「到有一日，細妹問你媽咪係點嘅時候⋯⋯」阿婆合埋眼。

自豪咁同佢講，媽咪叫我應承佢，要照顧你，要保護你。

「又話媽咪叫你照顧我，保護我嘅？但係你根本無做過！」我唔希望得到咁樣嘅回答。

妹妹好奇咁向我伸出手。



「摸吓佢啦，依個就係你妹妹。」

四歲嘅手，接觸一歲嘅手。

好似剝殼雞蛋咁滑嘅手心。

「歌歌！」妹妹第一句說話，就係叫我。

唔知係因為聽咗阿婆嘅勸說，定純粹因爲聽到妹妹叫自己，心中對佢嘅厭惡，漸漸轉化成一點一絲嘅憐愛。



我要照顧妹妹，保護妹妹。