[有沙入眼]是咁的，我覺得我住嗰度有啲唔妥: 137廚房

我訓喺Lucy隔離，向佢耳邊繼續喊。

阿婆喺廚房準備肉泥，詭異嘅肉碎互相撞擊嘅聲音慢慢滲出嚟。

Lucy有少少皺眉頭，證明我嘅喊聲有效！

我嗌多兩聲之後，用我無牙嘅口咬落佢耳仔度。

「唔⋯⋯」佢面頰微微發紅，呼吸速度快咗。



我突然醒覺咬女仔隻耳好似唔係咁好，於是放口，儲力用鐵頭功撞落Lucy個太陽穴度。

「痛⋯⋯」Lucy終於擘大眼，佢環視四周，見到我即刻嚇到面容扭曲，退去床邊。

「點解你會變成咁？」

我用眼神轉向廚房，向廚房側頭。

「阿婆做嘅？佢喺廚房？」



點頭。

今次真係要靠你喇。

「廚房⋯⋯？」Lucy個人突然好似放空咗咁，雙眼望住天花板，停留三秒，然後眼神之中閃爍光澤。