[有沙入眼]是咁的，我覺得我住嗰度有啲唔妥: 131應承過

「仲記唔記得，你應承過媽咪咩野？」

某一日嘅下午，阿婆坐喺安樂椅上搖呀搖，緩慢撥動手中嘅蒲扇，微風撩起妹妹額前嘅髮絲。

爽身粉嘅味道混雜沖涼後淡淡嘅芳香，隨風滲入我心中荒蕪嘅土地。

伏喺佢胸前嘅妹妹咬住手指，訓得好冧好甜。

我擰頭表示唔記得，問：「點解阿婆對佢咁好呀？」



溫柔嘅嫩芽喺乾裂嘅土地縫隙中漸漸抬頭。

「我代替你，做緊你應承過媽咪嘅事。」

應承過嘅⋯⋯事？