[有沙入眼]是咁的，我覺得我住嗰度有啲唔妥: 132喺依度

已經唔記得咗。

「我⋯⋯我唔鍾意佢⋯⋯」

阿婆輕撫妹妹背脊嘅手停低，向我揮一揮：「過嚟吖。」無比溫柔嘅呼喚，令我無辦法抗拒。

「點解唔鍾意細妹？」

四歲嘅我咬住下唇，手仔捉住衣襬，耷低頭好似自己做錯事一樣講：「因為佢殺咗媽咪⋯⋯」



「係咩？」

「係呀。」

「媽咪喺邊呀而家？」

我抱住最後嘅希望跑向大門，咔嚓，打開，門後有無人呢？依舊，咩都無。淚水又再次喺眼眶打轉，熟悉嘅鼻酸感覺。

我死死氣行翻去阿婆身邊。



「我唔知⋯⋯」

「喺依度。」

粗糙嘅手指頭點一點我胸口。

我開心到拉開自己衫領，但入面淨係得對四歲肥仔波同可遇不可求嘅粉紅色乳頭。