[有沙入眼]是咁的，我覺得我住嗰度有啲唔妥: 130講過唔算數

就正如我應承過媽咪，要好好照顧細妹，好好保護細妹，勾咗手指尾，但我講過唔算數。

對於我對細妹嘅冷淡態度，阿婆只係默默接受。無打無鬧我，我要食野就煮我食，我喊就陪喺我身邊，扭眼訓就抱我，直到我訓著為止。佢對妹妹亦係一視同仁，每當細妹需要佢，佢就喺度。

點解呢？阿婆都知道孫女嘅出生賠上咗自己個女條命，點解仲對佢咁好？咁同養大殺死親人嘅兇手有咩分別？

當然，年幼嘅我根本無諗到咁深入，只係因為媽咪嘅存在替換成細妹嘅生命而覺得討厭。