[有沙入眼]是咁的，我覺得我住嗰度有啲唔妥: 116我嘅遺憾

就算對住已經離開嘅人嘅相同影片問問題，都永遠唔會得到解答。

就好似一直望住同舊情人嘅合照，即使問幾多次「你係咪真係愛過我？」、「點解你最後要揀佢？」、「你有無掛住我？」依啲問題，昔日嘅合照都無言以對。

唯有再一次面對面嘅時候，先會得到答案，哪怕個答案係大話，都起碼會得到回覆。

不過死咗嘅人，已經無機會再同佢地面對面對話。

心中嘅愧疚同疑問，唔會得到安慰同回答，漸漸打成死結，勒住心靈，久唔久令人心痛。



「你嘅遺憾⋯⋯」

「非凡，我想講你知，可以嗎？」

吳非凡好似知道我講依句說話更深層嘅意義，於是點點頭：「可以，你講啦。無論真相係點，我講過陪你行依條不歸路，就會一直陪住你。」

我嘅遺憾係⋯⋯