[有沙入眼]是咁的，我覺得我住嗰度有啲唔妥: 43記起

就喺吳非凡講出個名嗰陣，我見到透明牆中心泛起漣漪，我知道成功咗，即刻將手伸入漣漪之中。

一陣穿透水面嘅感覺傳嚟，我同時捉住吳非凡隻肥手臂，將佢拉翻出嚟！透明嘅牆發出水彈爆破嘅聲音，化成雨水淋濕哂我地兩個。

下一瞬間，吳非凡間屋又變翻原狀，無眼珠、無水、無宿便、無透明牆，我同佢亦無畀雨水淋濕。

吳非凡趴喺我身上，我發現佢個搏頭喺度震，可能因為啱啱太驚險啦。我拍拍佢搏頭：「好喇無事喇⋯⋯暫時。唔好喊喇。」

舊式電視自動開著。屌，今次又點呀？貞子要爬出嚟？抖陣先都得卦？



畫面由雪花慢慢轉為模糊嘅畫面。

「我⋯⋯嗚⋯⋯記翻起喇⋯⋯」

同時，電視嘅畫面終於清晰起嚟。