[有沙入眼]是咁的，我覺得我住嗰度有啲唔妥: 12相片

稍微放鬆心情嘅我慢慢靠近衣櫃，抆翻把刀，就小心翼翼行翻上床。期間不停回頭望個衣櫃，確認無野再騷擾我。

「到底搞乜鬼？」跳上床之後，我自言自語想搞清楚發生緊咩事。

不過翻咗上床，我就記起，訓之前明明開著手機播緊歌，但係音樂由我比衣櫃入面隻野騷擾之後，唔經唔覺已經停咗好耐。

我望向床頭嘅手機，黑芒。

伸手拎過嚟，開鎖，除咗播歌app自己彈咗無咩其他問題。



手機傳嚟震動，有人wtsapp我。

手機預覽顯示係一個未見過嘅號碼，佢send咗一張圖片比我。

咁正常人嘅反射動作都係㩒入去睇架啦。

張圖係相，相入面嗰個係我，我望住個手機。

呼吸又開始加快，因為影相嘅角度，正正係喺衣櫃嗰面斜對我張床。



我扭動頭部望向開咗少少門嘅衣櫃。

手機又震。

又有一張相。

相入面嘅男人面容因恐懼而扭曲，錯愕咁望住鏡頭。