<測謊眼>唔洗呃我啦，我一眼睇得出你係唔係處女: 18
「幾時先可以去評級？」我問道。「唔洗咁心急，至少要等你熟用左能力先可以準確評核到。初步睇你既能力雖然好稀有，但係實用性始終唔高，所以未必會有好高既評級。」「我諗唔係E就係D架啦，練下就真係會邊有用咩？」我問道。「話唔定有一日你既能力會大派用場，而且而家睇到既能力未必係全貌，所以都真係好難下定論。」Braco為何對我這麼有期望呢？「唔緊要啦，你繼續講先。」我淡淡的催促他。「講完評級就講異瞳既發動，你記住Horao就係能力既來源，發動能力一定需要Horao，但有時要滿足某啲條件。你可以當Horao係儲存係身體入面既力量，如果無曬Horao就發動唔到能力。」「係咪好似打機既MP咁？」電玩遊戲裡的魔力值可以量化參考，不知道Horao有沒有相似的機制呢？「無錯啦，不過就唔會有條MP BAR係到比你睇，要靠自己既經驗去判斷。不過都有少少指標既，例如頭暈同四肢無力等等，Horao會自己回復，但係每個人既回復速度都唔同，不過將Horao用到盡既話會有一段時間用唔到能力，短則一日，長既話可以去到一星期以上。Horao上限同回復速度都可以透過訓練提升。」所以說Horao就像一潭井水，泉水會不斷湧出，不過一但乾涸了就要等一等才能再打水了。「我明白啦，不過我而家都未試過有用盡既感覺。其他條件又包括乜野？」其實我連如何開啟關閉能力都不懂。「某啲能力要先達成一啲前提先可以用到，例如要望實人地隻眼，得到被施術者既物品等等。又有啲能力有時間既限制，就好似打機果啲Cool Down Time咁。」「其實呢，我仲未識控制點樣唔發動能力，我既異瞳好似一直都係長開咁。」我趁這機會請教一下Braco，因為我也不想經常知道別人的秘密。「咁奇怪？」Braco張開的下巴快要貼到地上，看來他真的很驚訝。「我一出街就會自動睇到曬所有人係唔係處女，有時我根本就唔想知，不過其實而家已經慣左。以前覺得好煩既話就會單起隻左眼，不過咁就變左其他人用奇怪目光望住我。」剛剛獲得這能力時我還很興奮，不過很快就只想躲在宿舍裡足不出戶，花了近兩個星期我才稍微習慣一點。「你都真係幾特別架啵，控制唔到能力開定閂，得一隻眼用到能力，又未試過Horao用盡，三樣野都好少有。睇黎一陣真係要幫你check下，再問下Master意見。」Braco雙目有神地盯著我，就像發現了新的研究項目一樣。「話唔定我有好罕有既能力等住我開發呢哈哈！」我自嘲地笑道。「真係話唔定架。」Braco誠懇得讓我哭笑不得。「係啦，異瞳既分類可以有好多種，可以按用途、目標、屬性等黎分類，不過最常用既都係按佢地既本質分為四大類，姐係果款能力既基本模式。呢四大類分別係：觀察系：、揣測系、支配系、特質系，我會逐一解釋比你聽。」作為職業漫畫迷的我第一時間想起Hunter x Hunter，萬惡不赦的富奸讓人又愛又狠的神作，這些設定實在太像念能力系統，其實我是不是被吸進哪個漫畫家筆下的世界去了？「我既能力咁特別係唔係屬於特質系？」我嘗試造出「笑喊」的表情。「唔係，分辨處女同性經驗既能力係屬於都幾普遍既揣測系，而我睇得明唔同文字既能力就屬於觀察系。」