<測謊眼>唔洗呃我啦，我一眼睇得出你係唔係處女: 19
「咁Mönkh既能力係咪都係屬於觀察系？」我問道。「係呀。其實觀察系既大原則就係能力同人既內心或者記憶無關，算被觀察既係人類，都只可以睇到物理上既轉變。觀察系可以再細分為視力強化同物理感測類，前者包括動態視力強化、千里眼、紅外線眼、透視眼等，物理感測類包括天氣眼、測溫眼、算術眼、驗病眼等等，我諗淨係聽名你都應該估到佢地既機制同應用啦？」「嗯。主要都可以用黎收隻情報，有啲仲可以應用向唔同職業同研究上，如果數學家有算術眼，醫生有驗病眼其實都幾屈機。」我點一點頭。「運動員如果有動態視力強化其實仲屈機。」Braco再舉多一個例子。「係啦，其實有無人會唔發覺自己係異瞳者架？」「唔出奇架，有啲人會誤以為係自己個腦轉數突然快左，以為係開竅其實係異瞳覺醒，但係就有可能因為咁而唔知正規既訓練方法，無得繼續提升能力。」「咁揣測系就姐係同人既內心世界有關啦？」我望著黑板上的分類圖表說道。 「無錯，只要同被觀察者既內心有關都會被歸類為揣測系，例如有人可以睇得出其他人既心情、秘密、喜好，有人可以知其他人有無講大話，有人可以知其他人係唔係處女，揣測系睇既唔係表面而係係一個人既內心深處。」為甚麼Braco提到的其他揣測系能力與我的相比好像要有用得多？這些能力雖然可以讓異瞳者更了解身邊的人，然而偷偷窺探別人的隱秘又是不是好事？說不定到頭來只會破壞了雙方的關係。有時候真的別太靠近他人的內心深處，否則看到不想看的事情就不能再回頭了。「揣測系同觀察系各有長短，不過揣測系聽落好似得意啲，因為被揣測既一定係活生生既人類。」「都唔一定既，某啲觀察系同揣測系能力對住張相都發動到。之後就到支配系啦，支配系同頭先兩者既分別在於一定要有眼神接觸，而且有時仲要達成條件先發動到。不過支配系既威力強大，係主動好多既能力。岩岩講果兩樣都只係被動咁接收資訊，支配系就可以主動向目標發號施令。」「係咪可以令人完全服從？咁咪姐係天下無敵？」我想不到異瞳者甚至能操縱人心。 「唔知你有無發現一點，大部份既異瞳雖然比常人厲害，但絕對唔係啲咩逆天既能力，同科幻片既超能力差好遠。好多時只能夠觀察同揣測到某角度既野，其實係唔太全面既能力。現階段仲未有研究搵到呢個現象既原因，不過有講法話係因為人腦既處理能力始終有限，如果異瞳太犀利會超出負荷，造成腦細胞死亡。」「係唔係因為基因突變既只係隻眼，而個腦無進化到所以先會咁？」托著腮子的我問題。「呢既係其中一個推測，不過仲未有足夠科學證據。」聽到這裡我突然覺得毛骨悚然，因為腦海浮現出血淋的解剖畫面，手術刀正在異瞳者的新鮮腦袋裡遊走。「所以，支配系既能力其實都只能夠有限度咁支配目標，而且仲一定要有目光接觸，大部份都有時效，屈唔屈機就睇你點應用啦。舉個例子，其中一種支配系既能力只可以命令人唔進入某啲地方，聽落好似好廢，不過聰明啲咁用都可以有好效果。仲洗唔洗舉多個例子？」「唔洗啦，你一陣比圖鑑我睇算，快啲講埋特質係仲好。」我為剛剛那能力起了個貼切的名字—罰站瞳，最適合訓導主任使用。 「特質系，顧名思義就係非堂特別既能力，無辦法歸類落以上三大系之中，所以都好難話有一套統一既法則去形容佢地。只可以話特質系既異瞳有好特別既用途，例如係大範圍既感知而唔係針對某個目標使用，舉個例就係好似雷達咁可以去搵唔同既野；其他能力包括改變非人類既物體例如操縱火焰，又例如消除其他人施加既異瞳。五花八門，如果真係要數屈機既話一定係特質系最屈機。」Braco的潮語是從哪裡學會來的呢？「咁有無可以操縱時間同空間既異瞳？」我期待的問道。「有，不過唔係任意操縱，聽聞係要按一定原則先可以發動到，詳情我都唔係太清楚，因為咁罕有既能力我都未親眼見識過。」見識淵博的Braco原來也有不熟悉的事物。「好啦，能力都介紹完啦，咁係咪可以開始訓練啦？」我不自覺地變得雀躍，或許是因為想快點知道自己的能力有沒有改進的空間吧？「小休十分鐘，我去叫埋過黎先，你係到等一等。」「乜佢都一齊練咩？佢唔係加入左好耐架啦？」「話曬今晚要一齊出勤，互相了解大家既能力都重要，同埋就算佢識都可以一齊練架嘛。」「係啵你仲未講兩位元祖既能力同超瞳者既事啵。」幸好我還記得這回事。Braco望一望牆上的掛鐘說：「遲下再講啦，時間有少少緊迫，練完測試完有時間再講啦。」Braco走了出去找Mönkh，我獨自一個坐著又悶得發慌，所以決定參觀一下這個小課室。